ქეთევან დავრიშევი

დაიბადების ადგილი: ქ. პარიზი, საფრანგეთი.

თანამედროვე ფილოლოგიის, კინოსა და თეატრის შესწავლის შემდეგ ქეთევან დავრიშევი მუშაობდა სხვადასხვა ჟურნალებში. გამოქვეყნებული აქვს მრავალრიცხოვანი შრომები ახალგაზრდობისათვის, წერს სცენარებს ფილმებისთვის, თარგმნის ქართულ ზღაპრებს ბავშვებისთვის; 2004 წელს გამოაქვეყნა პირველი რომანი - "ყველაფერი კარგად იქნება". მომდევნო რომანმა,"შავი ზღვა" - 2010 წელს "ლანდერნოს" და "ვერსიონ ფემინა-ვირჟინის" ლიტერატურული პრემიები მოიპოვა, ხოლო 2011 წელს პრიზი "პრინცი-მორისი" სასიყვარულო რომანისათვის. წიგნი ითარგმნა გერმანულ, ქართულ, იტალიურ, ჰოლანდიურ და შვედურ ენებზე. 2012 წელს გამომცემლობა "საბინ ვესპიეზემ" გამოსცა რომანი "განცალკევებულები". რომანს კარგად შეხვდა ლიტერატურული კრიტიკა, წარმატებით სარგებლობს წიგნის მაღაზიებში და წარდგენილ იქნა RTL რადიოს და ჟურნალ Lire-ს პრიზზე. 2014 წელს იმავე გამომცემლობაში გამოიცა რომანი "ოთხი კედელი"; მის ნაწარმოებებში რეალური ამბებია აღწერილი ანუ ის, რაც მის  წინაპრებს გადახდათ თავს ემიგრაციამდე და ემიგრაციის შემდეგ. 2016 წელს ნაწარმოები "სხვა იოსები" გამოქვეყნდა. რომანმა "დე მაგოს" (Deux Magots) პრემია დაიმსახურა. საქართველოს დემოკრატიული რესპუბლიკის მიწათმოქმედებისა და შრომის მინისტრის ნოე ხომერიკისა (დედის მხრიდან) და ცნობილი ავიატორის იოსებ დავრიშევის (სოციალ-ფედერალისტი, მამის მხრიდან) შთამომავალი.
წყარო: არტანუჯის გამომცემლობა: ka-ge.facebook.com; institutfrancais.ge; swediteur.com

• სხვა იოსები : რომანი (ავტორი). - თბილისი, არტანუჯი, 2018. - 240გვ.
• სარკმელი : რომანი (ავტორი). - თბილისი, უსტარი, 2013. - 55გვ.
• შავი ზღვა : რომანი (ავტორი). - თბილისი, უსტარი, 2012. - 208გვ.