უჩა დვალიშვილი

დაბადების ადგილი: ქ. ქუთაისი.

დაამთავრა თბილისის სერგო ზაქარიაძის სახელობის კულტ-საგანმანათლებლო სასწავლებელი 1974 წელს.

1974-1976წწ. იყო ვოლგისპირეთის არმიის სიმღერისა და ცეკვის ანსამბლის მოცეკვავე; 1976-1980წწ. სწავლობდა კუიბიშევის კულტურის ინსტიტუტში, 1980-1990წწ. თბილისის სახელმწიფო უნივერსიტეტის ხელოვნების ფაკულტეტის, ს. ზაქარიაძის სახელობის კულტ-საგანმანათლებლო სასწავლებლის პედაგოგი(ქორეოგრაფია, ცეკვის კომპოზიცია); 1988 წლიდან შ. რუსთაველის სახელობის თბილისის თეატრალური ინსტიტუტის პედაგოგი, სადაც დააარსა ქორეოგრაფიული ანსამბლი "როკვა"; 1989 წელს აშშ-ში, კალიფორნიასა და ლოს-ანჟელესში იყო ქართული ცეკვის დამდგმელი და მასწავლებელი; 1992-2006წწ. თბილისის ექვთიმე თაყაიშვილის სახელობის ხელოვნების სახელმწიფო უნივერსიტეტის ქორეოგრაფიული ხელოვნების კათედრის გამგე, 2004 წლიდან დოცენტი, 2005 წლიდან პროფესორი; დადგმული აქვს 40-მდე ქართული და მსოფლიო ხალხთა ცეკვა; რესპუბლიკური და მსოფლიო ფესტივალების ლაურეატი; ქართული ხალხური ცეკვის მკვლევარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 147; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.142

• 2010 - ფოლკლორის ეროვნული პრემია
• 2000 - ღირსების ორდენი