ბესარიონ დოჭვირი

დაბადების ადგილი: ქ. თბილისი

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1964 წელს.

1972-1973წწ. იყო ბერლინის "უმაღლესი ეკონომიკური სკოლის" დოცენტი; 1992-1995წწ. - იენის ფრიდრიხ-შილერის უნივერსიტეტის პროფესორი; შეთავსებით მუშაობდა: თბილისის სახელმწიფო უნივერსიტეტის სტოქასტური ანალიზის ს/კ ლაბორატორიაში, თბილისის სახელმწიფო უნივერსიტეტის მექანიკა-მათემატიკის ფაკულტეტის დეკანის მოადგილედ; საქართველოს ბანკების ასოციაციის მთავარ კონსულტანტად; 1968 წლიდან არის თბილისის სახელმწიფო უნივერსიტეტის ლექტორი. გამოქვეყნებული აქვს 120-ზე მეტი სამეცნიერო ნაშრომი ალბათობის თეორიისა და მათემატიკური სტატისტიკის მიმართულებით, კერძოდ, შემთხვევით პროცესთა ოპტიმალური გაჩერების თეორიასა და ფინანსურ მათემატიკაში. არის 10 სახელმძღვანელოს ავტორი. მიღებული აქვს მონაწილეობა 40-მდე საერთაშორისო კონფერენციაში (გერმანია, ბულგარეთი, რუმინეთი, შვეცია, იაპონია, შვეიცარია, საფრანგეთი და სხვ.). იყო თბილისის სახელმწიფო უნივერსიტეტის სამთო-სათხილამური გუნდის კაპიტანი და თბილისის სახელმწიფო უნივერსიტეტის ჩემპიონი. მონაწილეობდა ვეტერან სამთო-სათხილამური შეჯიბრებებში. ფიზიკა-მათემატიკის მეცნიერებათა დოქტორი (1994), პროფესორი (1997).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.23; თბილისის სახელმწიფო უნივერსიტეტი: tsu.ge

• ამერიკის მათემატიკური საზოგადოება, წევრი
• აფხაზეთის მეცნიერებათა აკადემია, წევრი
• ბერძნულის მსოფლიო საზოგადოება, წევრი
• საქართველოს მათემატიკური საზოგადოება, წევრი
• საქართველოს საბუნებისმეტყველო მეცნიერებათა აკადემია, წევრი
• საქართველოს სტატისტიკური ასოციაცია, წევრი

• ღირსების ორდენი
• ივანე ჯავახიშვილის სახელობის მედალი

• ფინანსური მათემატიკა, ალბათობა, სტატისტიკა : საწყისები : დამხმარე სახელმძღვვანელო (ავტორი). - თბილისი, უნივერსალი, 2012. - 255გვ.
• ალბათობა, სტატისტიკა, ფინანსები : ლექციების მოკლე კურსი (ავტორი). - თბილისი, უნივერსალი, 2009. - 159გვ.. - ISBN: 978-9941-12-509-6
• ევროპული ტიპის სტანდარტული ოფციონი : დამხმარე სახელმძღვანელო ეკონომიკის ფაკულტეტის სტუდენტებისთვის (ავტორი). - თბილისი, თბილისის უნივერსიტეტის გამომცემლობა, 2005. - 134გვ.. - ISBN: 99940-12-44-4
• ფინანსური მათემატიკა. ალბათობა და სტატისტიკა (ელემენტები) (ავტორი). - თბილისი, სახელმწიფო უნივერსიტეტის გამომცემლობა, 2003. - 196გვ.. - ISBN: 99940-13-34-3
• ალბათობის თეორიისა და მათემატიკური სტატისტიკის ელემენტები : ლექციების კურსი ეკონომიკის ფაკულტეტის სტუდენტებისთვის (ავტორი). - თბილისი, თბილისის უნივერსიტეტის გამომცემლობა