სერგო დუმბაძე

დაბადების ადგილი: სოფელი ბაკო, ხულოს მუნიციპალიტეტი.

დაამთავრა ბათუმის შოთა რუსთაველის სახელმწიფო უნივერსიტეტის ისტორია-ფილოლოგიის ფაკულტეტი 1961 წელს.

მუშაობდა პედაგოგად ხულოს რაიონის სოფელ თხილვანის არასრულ საშულო სკოლაში; 1970 წელს პედაგოგიურ ინსტიტუტში იწყებს მუშაობას კათედრის ლაბორანტად, შემდეგ იყო უფროსი მასწავლებელი, კათედრის დოცენტი, პროფესორი, კათედრის გამგე და ფაკულტეტის დეკანი. მის კალამს ეკუთვნის წიგნი "სელიმ ხიმშიაშვილის სტრატეგიული მიზანი და მისი განხორციელების გზები". მეცნიერმა განსაკუთრებით დიდი დრო დაუთმო მეორე მსოფლიო ომში აჭარიდან წარგზავნილთა გმირობის გაშუქებას "აჭარა მეორე მსოფლიო ომის პერიოდში". ნაშრომი "წარუშლელი ფურცელი", ეძღვნება ბათუმის შოთა რუსთაველის სახელმწიფო უნივერსიტეტის ღვაწლს მეორე მსოფლიო ომის წლებში; 2007 წელს გამოცსა მონოგრაფია "ისინი იბრძოდნენ ავღანეთში" - ავღანეთში მებრძოლი ქართველების შესახებ, ხოლო 2004 წელს საქართველოში პირველად გამოაქვეყნა მონოგრაფია "კავშირგაბმულობა და ფოსტა აჭარაში", რომელშიც ამ დარგის ხელმძღვანელთა და თანამშრომელთა ღვაწლი წარმოაჩინა; ავტორია პუბლიცისტური წერილებისა: "სოფელი ბაკო" - ისტორიულ-ეთნოგრაფიული დახასიათება, "სელიმ ხიმშიაშვილი - საქართველოს ერთიანობისათვის წამებული რაინდი", "იტალიელი მეცნიერი აჭარის შესახებ", "დედაენის როლი საქართველოს ერთიანობისათვის ბრძოლაში", "აბუსერისძე ტბელის თხზულების ზოგიერთი გეოგრაფიული სახელის შესახებ", ეტიმოლოგიურად ახსნილია "ხიხა", "ხიხათა", "ხიხანი", "შუარტყალა", "ხიხაძირი", "ქოჩახი", "ერდო" და სხვ. მიღებული აქვს იაკობ გოგებაშვილის სახელობის პედაგოგთა კავშირის მედალი და საპატიო სიგელი, აჭარის ავტონომიური რესპუბლიკის უმაღლესი საბჭოს საპატიო სიგელი. ბათუმის შოთა რუსთაველის სახელმწიფო უნივერსიტეტის პროფესორ-ემერიტუსი, ისტორიის მეცნიერებათა დოქტორი (2003), პროფესორი.

სადოქტორო დისერტაციის თემა - "აჭარის ავტონომიური რესპუბლიკა მეორე მსოფლიო ომისა და ომის შემდგომ პერიოდში: 40-50-აინი წლები", დაიცვა 2003 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.410; ბათუმის შოთა რუსთაველის სახელმწიფო უნივერსიტეტი: bsu.edu.ge

• იაკობ გოგებაშვილის სახელობის მედალი
• აჭარის ავტონომიური რესპუბლიკის უმაღლესი საბჭოს საპატიო სიგელი

• დაუვიწყარი პედაგოგი : სკენდერ ბაჯელიძის ცხოვრება და პედაგოგიური მოღვაწეობა (თანაავტორი). - ბათუმი, ბათუმის შოთა რუსთაველის სახელმწ. უნ-ტი, 2017. - 238გვ. . - ISBN: 9789941462436
• პედაგოგი, მეცნიერი, საზოგადო მოღვაწე : მიხეილ სტამბოლიშვილი - 110 (ავტორი). - ბათუმი, ბათუმის შოთა რუსთაველის სახელმწ. უნ-ტი, 2016. - 148გვ. . - ISBN: 9789941462221
• აჭარა მეორე მსოფლიო ომის პერიოდში (1939-1945 წწ) (თანაავტორი). - ბათუმი, შოთა რუსთაველის სახელმწ. უნ-ტის გამ-ბა, 2011. - 440გვ. . - ISBN: 9789941412868
• სახელოვანი ხიხანელი : პედაგოგი მეჯიდ გაბაიძე (ავტორი). - ბათუმი, ინოვაცია, 2008. - 352გვ. . - ISBN: 9789941902970
• აჭარის ავტონომიური რესპუბლიკის უმაღლესი სკოლა ფაშიზმის წინააღმდეგ ბრძოლის პერიოდში (1941-1945 წ.წ.) (ავტორი). - ბათუმი, ბათუმის უნ-ტი, 2002. - 122გვ.. - ISBN: 9992848944