იუზა ევგენიძე

დაბადების ადგილი:  სოფელი ახალსოფელი, ლანჩხუთის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1965 წელს.

1969 წლიდან მოღვაწეობს თბილისის სახელმწიფო უნივერსიტეტში; 1993-2006წწ. - აკაკი წერეთლის კაბინეტის გამგე; 2009 წლიდან - თბილისის სახელმწიფო უნივერსიტეტის ჰუმანიტარული ფაკულტეტის ასოცირებული პროფესორი; გამოქვეყნებული აქვს მრავალი ნაშრომი, მათ შორის მონოგრაფიები: "ვაჟა-ფშაველას შემოქმედებითი ისტორიისათვის"(1977), "ვაჟა-ფშაველა"(ცხოვრებისა და შემოქმედებითი ისტორიის საკითხები, 1982), "ქართული რომანტიზმის საკითხები" (1982), "გრიგოლ ორბელიანი"(1995); მისი თანაავტორობითა და მონაწილეობით გამოცემულია არაერთი წიგნი და კრებული, მათ შორის - "ახალი ქართული ლიტერატურის ისტორიის" (ტ. II, 2003) სახელმძღვანელო; 1966 წელს გერმანიაში, ჟურნალ "გეორგიკაში" დაიბეჭდა მისი ნარკვევი "ვაჟა-ფშაველას მრწამსის საკითხი გრიგოლ რობაქიძის ნააზრევში", ხოლო ვატიკანში გერმანულ ენაზე გამოქვეყნდა ნაშრომები "ნიკოლოზ ბარათაშვილის შემოქმედების თემატიკა"(2006) და "ვაჟა-ფშაველას პოეზიის რაინდული სული" (2008); ფილოლოგიის მეცნიერებათა დოქტორი (1995), პროფესორი (1997).

სადოქტორო დისერტაციის თემა - "ვაჟა-ფშაველა/ცხოვრებისა და შემოქმედების ისტორიის საკითხები", დაიცვა 1995 წელს.

წყარო: საქართველო: ენციკლოპედია: ტ.2. - თბ., 2012. - გვ.549; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.463

• ჰუმანიტარულ მეცნიერებათა აკადემია, წევრი (1999-)

• 2003 - ივანე ჯავახიშვილის სახელობის მედალი

• ნარკვევები ქართული ლიტერატურის ისტორიიდან (ავტორი) // ტ. 1. - თბილისი, თბილ. უნ-ტის გამ-ბა, 2000. - 360გვ.. - ISBN: 99928-77-38-3
• გრიგოლ ორბელიანი : ცხოვრება და მოღვაწეობა (ავტორი). - თბილისი, მერიდიანი, 1995. - 288გვ.
• ვაჟა-ფშაველა : ცხოვრებისა და შემოქმედებითი ისტორიის საკითხები (ავტორი). - თბილისი, თბილ. უნ-ტის გამ-ბა, 1989. - 486გვ.