ია ეკალაძე

დაბადების ადგილი: სოფელი ციმისი, თერგის ოლქი.

დაამთავრა ყაზანის უნივერსიტეტის იურიდიული ფაკულტეტი 1911 წელს.

1911 წელს დაინიშნა გორის ვაჟთა გიმნაზიაში ქართული ენის მასწავლებლად; 1912 წელს მიიწვიეს ქუთაისში მასწავლებლად; 1912-1913წწ. იყო გაზეთ "ქართლის" და 1915-1916წწ. გაზეთ "სამშობლოს" რედაქტორ–გამომცემელი; 1919 წელს მიიწვიეს დაბა ჩოხატაურის ახლად დაარსებულ გიმნაზიაში დირექტორად; 1920-1923წწ. მასწავლებლობდა ლანჩხუთის ტექნიკუმში, 1923-1924წწ. რაჭაში – ონში, ხოლო 1924-1925წწ. თელავში; დაარსა გაზეთი "ქართლი" და გაზეთი "სამშობლო" (1913); 1894 წელს გამოაქვეყნა პირველი მოთხრობა "ილიკო ბედენიძე", გაზეთ "ივერიაში"; ავტორია მოთხრობებისა: "დაუდეგარი" (1897), "თეო" (1895), "ჩემი ცოდვა გქონდეს!" (1894), "კრებაზე" (1897); მას ეკუთვნის ასევე თეთრი ლექსები, რომლებსაც "ლექსისებურს" უწოდებდა.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.511-512; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.130

• ილიკო ბედენაძე (ავტორი). - ტფილისი, სახელგამი, 1928. - 37გვ.
• რას იცინი? : არაკი (ავტორი). - ტფილისი, გრ. ჩარკვიანის სტ., 1896. - 20გვ.
• თევდორე-მღვდელი! (ავტორი). - ტფილისი, მ. შარაძის და ამხანაგობის სტ., 1895. - 56გვ.