ლეილა ერაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1953 წელს.

1995-1998წწ. იყო საქართველოს საელჩოს პირველი მდივანი აზერბაიჯანში, ატაშე კულტურის საკითხებში, საქართველო-აზერბაიჯანის მეგობრობისა და თანამშრომლობის საზოგადოების ვიცე-პრეზიდენტი (1992). მუშაობდა  ჟურნალ "დილას" რედაქციაში, შოთა რუსთაველის სახელობის ქართული ლიტერატურის ინსტიტუტში, საქართველოს ტელე-რადიო კომიტეტში. ლეილა ერაძე სამეცნიერო ნაშრომების, პოეტური და საბავშო ლექსების კრებულების ავტორია. მისი ლექსები ნათარგმნია აზერბაიჯანულ, რუსულ, იტალიურ, სლოვაკურ ენებზე. ლეილა ერაძე ეწეოდა ნაყოფიერ მთარგმნელობით საქმიანობას. მან თარგმნა და ცალკე წიგნებად გამოსცა აზერბაიჯანელ ავტორთა - სამედ ვურღუნის,  ნაბი ხაზრის,  ნარიმან ჰასანზადეს, ისმაილ შიხლის,  მირზა იბრაჰიმოვის და სხვათა - ოცდაათზე მეტი პოეტური და პროზაული ნაწარმოებები, რომანები. ეწეოდა მთარგმნელობით საქმიანობას. უმთავრესად თარგმნიდა აზერბაიჯანელ მწერალთა ლექსებს და მოთხრობებს. 1957 წელს გამოსცა წიგნად პირველი ნათრგმნი "აზერბაიჯანული მოთხრობები". 1995 წელს დაჯილდოვდა პენკლუბის საერთაშორისო ლიტერატურული პრემიით, 1996 წელს რასულ რზას სახელობის პრემიით. ავტორია საბავშვო ლექსებისა.

წრარო: ქართველი მთარგმნელების პორტალი : mtargmnelebi.blogspot.com; საქართველო: ენციკლოპედია: ტ.III.–თბ., 2014. გვ.34

• 1994 - ივანე მაჩაბლის სახელობის პრემია

• გადარჩენა : ლექსები (ავტორი). - თბილისი, მერანი, 1994. - 112გვ.
• მეგობრობა გზად და ხიდად : ქართულ-აზერბაიჯანული ლიტ. ურთიერთობა (ავტორი). - თბილისი, საბჭ. საქართველო, 1977. - 144გვ.
• აიწონა-დაიწონა : ლექსები უმცრ. სასკოლო ასაკის ბავშვთათვის (ავტორი). - თბილისი, ნაკადული, 1975. - 35გვ.
• აზერბაიჯანული მოთხრობები : ბავშვთათვის (მთარგმნელი). - თბილისი, საბლიტგამი, 1957. - 326გვ.