გია ეძგვერაძე

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის ფერწერის ფაკულტეტი 1980 წელს.

1986 წლიდან მონაწილეობს ჯგუფურ გამოფენებში; 1989-1996წწ. ცხოვრობს და მუშაობს მიუნხენში (გერმანია).1996 წლიდან კი საცხოვრებლად გადადის დიუსელდორფში (გერმანია). მისი სამუშაო მედიუმი მრავალფეროვანია - ფერწერა, სკულპტურა, პერფორმანსი, ვიდეო, ფოტოგრაფია, ტექსტი. მისი ნამუშევრები ასახავს მხატვრის მჭიდრო კავშირს ხელოვნების ისტორიასთან, ფილოსოფიასთან, პოლიტიკასა და თეორიასთან. 1980-იანი წლებიდან, აბსტრაქციებთან ერთად, ის ქმნის ე.წ. შავ-თეთრ სერიას, ტიპიურ კონცეპტუალისტურ ნამუშევარებს, სადაც ის უარყოფს ნამუშევრის გრძნობად, ემოციურ აღქმას და აქცენტი გადააქვს მის ინტელექტუალურად გაცნობიერებაზე, ნამუშევრის აღქმიდან მისი იდეის მიღებაზე. 1990-იანი წლების დასაწყისიდან აქტიურად იფინება როგორც საქართველოში, რუსეთში, ასევე ევროპაში, აშშ-ში, ტეიტ მოდერნი (ლონდონი), ვენეციის ბიენალე, კერძო და სამუზეუმო გამოფენები - ბერლინი, შტუტგარტი, ამსტერდამი, ბუდაპეშტი. 1985 წლიდან გამართა პრესონალური გამოფენები მსოფლიოს სხვადასხვა ქალაქში; მისი ნამუშევრების დაცულია სხვადასხვა კოლექციაში, მათ შორის ტრეტიაკოვის, საქართველოს სახელმწიფო სამხატვრო და საფრანგეთის (პარიზი) გალერეებში, მიუნჰენის, ბუდაპეშტის, მოსკოვის თანამედროვე ხელოვნების მუზეუმებში, კერძო კოლექციებში მადრიდში, ჟენევაში, შტუტგარდში და სხვ.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 124; ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 50-51

• საქართველოს მხატვართა კავშირი, წევრი (1986-)