გიგი თევზაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოსოფიისა და ფსიქოლოგიის ფაკულტეტი ფილოსოფიის მასწავლებლის დიპლომით 1989 წელს.

1985-1995წწ. - საველე სამუშაო იშვიათი და გადაშენების პირას მყოფი ცხოველების აღდგენის ცენტრში; 1987-1988წწ. -  რეგიონული გაზეთის გამომცემელი; 1985 წლიდან - ლექტორი; სამთავრობო რეფორმების კონსულტანტი (1995-1997 – UNDP, 2000-2001 – მსოფლიო ბანკი); საქართველოს პრეზიდენტის ახალგაზრდა მეცნიერთა პირველი ხარისხის სტიპენდიანტი (1990); 1997-2000წწ. საქართველოს პარლამენტის კვლევითი დეპარტამენტის უფროსი; 2001-2003წწ. - სახელმწიფო ანტიკორუფციული პოლიტიკის საკოორდინაციო საბჭოს წევრი; 2004-2006წწ. საქართველოს განათლების რეფორმის პროექტის დირექტორი. 2006 წელს საქართველოს მთავრობის ხელშეწყობითა და დავალებით დააარსა ილიას სახელმწიფო უნივერსიტეტი. 2006-2013წწ. - ილიას სახელმწიფო უნივერსიტეტის პირველი რექტორი;  სხვადასხვა წელს ეკავა სხვადასხვა უნივერსიტეტის პროფესორის თანამდებობა; 2006 წლიდან ილიას სახელმწიფო უნივერსიტეტის პროფესორი და 4D კვლევების ინსტიტუტის დირექტორი. მისი სამეცნიერო ინტერესების სფეროებია: ფილოსოფია, სოციოლოგია, პოლიტიკური ანთროპოლოგია, განათლების პოლიტიკა, ევოლუციის თეორია, ეთნოეკოლოგია, ადამიანის გენეტიკა და ტვინის კვლევა. მიღებული აქვს ქართულ-ფრანგული ინსტიტუტის მერაბ მამარდაშვილის სახელობის პრემია (1992). არის 50-ზე მეტი სამეცნიერო სტატიის, 14 წიგნისა და რამდენიმე ათეული ბლოგის ავტორი ქართულ-ინგლისურ, გერმანულ, მაკედონიურ და რუსულ ენებზე. 14 წიგნიდან 3 მხატვრული ლიტერატურის ჟანრისაა. ფილოსოფიურ მეცნიერებათა დოქტორი.

საკანდიდატო დისერტაცია თემა - "ისტორიის ონტოლოგიური დაფუძნება მარტინ ჰაიდეგერის ფილოსოფიაში", დაიცვა 1992 წელს; სადოქტორო დისერტაციის თემა - "ყოფიერების და ცნობიერების ესთეტიკა", დაიცვა 1997 წელს.

წყარო: ილიას სახელმწიფო უნივერსიტეტი: faculty.iliauni.edu.ge

• საბოლოო ფილოსოფია (ავტორი). - თბილისი, ბაკურ სულაკაურის გამ-ბა, 2017. - 186გვ.. - ISBN: 9789941238055
• სოციალური ქცევის ევოლოცია Homo-მდე და შემდეგ (ავტორი). - თბილისი, ილიას სახელმწ. უნ-ტი, 2013. - 150გვ.. - ISBN: 978-9941-18-136-8
• უცნობი წიგნები საქართველოდან : უცხოელებისთვის, ესეები (ავტორი). - თბილისი, ბაკურ სულაკაურის გამ-ბა, 2010. - 109გვ.. - ISBN: 978-9941-15-163-7
• უცნობი წიგნები ქართველებისთვის : ესეები (ავტორი). - თბილისი, ბაკურ სულაკაურის გამ-ბა, 2010. - 112გვ.. - ISBN: 978-9941-15-163-7
• საქართველო: ძალაუფლების დაბრუნება (ავტორი). - თბილისი, ბაკურ სულაკაურის გამ-ბა, , 2003. - 146გვ.. - ISBN: 99940-15-98-2
• ინსტიტუციური ცვლილებების სოციოლოგია : სახელმძღვ. სოციალ. მეცნიერებების მაგისტრანტებისათვის (ავტორი). - თბილისი, მეცნიერება, 2002. - 108გვ.
• საქართველო : ძალაუფლების სიმულაციები (ავტორი). - თბილისი, ბაკურ სულაკაურის გამ-ბა, 1999. - 136გვ.. - ISBN: 99928-52-32-1
• მომავლის ნიშნები : ყოფიერების ესთეტიკა (ავტორი). - თბილისი, მერიდიანი, 1995. - 102გვ.
• ჩვენი დრო, სფინქსი და ძენონის ისარი : ცნობიერების ესთეტიკა (ავტორი). - თბილისი, 1993. - 114გვ.
• ისტორია და ღირებულება (ავტორი). - თბილისი, თბილ. უნ-ტის გამ-ბა, 1988. - 29გვ.