შალვა იოსელიანი

დაბადების ადგილი: ქ. წყალტუბო.

დაამთავრა თბილისის ა. ს. პუშკინის სახელობის პედაგოგიური ინსტიტუტი 1937 წელს.

მუშაობდა ბათუმში; მეორე მსოფლიო ომის სსრკ-ს ტერიტორიაზე დაწყებისთანავე მოხალისედ წავიდა ფრონტზე, როგორც ბატალიონის კომისარი მონაწილეობდა ქერჩის ბრძოლებში და იქვე დაიღუპა 1941 წელს 27 წლის ასაკში; შალვა იოსელიანის პირველი ლექსი დაიბეჭდა 1934 წელს "ახალგაზრდა ლენინელში", შემდგომ სისტემატურად იბეჭდებოდა ქართულ ჟურნალ-გაზეთებში; პირველი წიგნი - "სიმღერები" გამოვიდა 1937 წელს, ბათუმში; 1940 წელს კი მისი პოემა - "დაბრუნება", 1960 წელს გამოიცა მისი რჩეული - "ლექსები და პოემები"; 1996 წელს გამოვიდა მისი ლექსების კრებული "შეწყვეტილი სიმღერა", რომელიც შეადგინა მამია ვარშანიძემ; შალვა იოსელიანის პოეტური სტიქია იყო საქართველოს წარმტაცი მხარის – აჭარის ბუნება და მისი ადამიანები. მშობლიურ ქალაქს უძღვნა მან თავისი საუკეთესო ლექსები. ზოგიერთი მისი ლექსი სიმღერად გავრცელდა. შალვა იოსელიანის სახელი მინიჭებული აქვს ბათუმის ერთ-ერთ ქუჩას.  

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.456;  ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.171; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.160

• შეწყვეტილი სიმღერა : ლექსები (ავტორი). - ბათუმი, აჭარა, 1995. - 176გვ.
• ლექსები და პოემა (ავტორი). - ბათუმი, აჭარის სახელგამი, 1960. - 133გვ.
• დაბრუნება : პოემა (ავტორი). - ბათუმი, 1940. - 100გვ.
• სიმღერები მზიური საბჭოთა აჭარის ბედნიერ ახალგაზრდობას (ავტორი). - ბათუმი, აჭარის სახელგამი და სტ.-ლიტოგრაფია, 1937. - 27გვ.