ბონდო კალანდაძე

დაბადების ადგილი: ქ. თბილისი.

დაამთავრა სა­ქართველოს სასოფლო-სამეურნეო ინსტიტუტის ტექნოლოგიური ფაკულტეტი 1965 წელს.

სხვა­და­სხვა დროს მუ­შა­ობდა სა­ქართველოს კვების მრეწველობის სამეცნიერო-კვლევით ინსტიტუტში; მეღვინეობის რესპუბლიკურ გაერთიანება "სამტრესტში", თბილისის სამრეწველო გაერთიანება "კრისტალში". 2006-2011წწ. იყო კომპანია "სარაჯი­შვი­ლის" მაგარი ალკოჰოლური სასმელების სამსახურის უფროსი; მის მიერ შექმნილია ქართული ალკოჰოლური სასმელების 60- ზე მეტი ნიმუში. მათგან არაყმა "ტარხუნამ" დიდი მოწონება დაიმსახურა ამერიკის, შვედეთის და სხვა ქვეყნების ბაზრობებზე; არჩეულია ახა­ლი ორლეანის (აშშ, ლუიზიანას შტატი) საპატიო მოქალაქედ (1989); შეყვანილია სსრკ საპატიო მეღვინეთა სიაში. დარგში დამსახურებისათვის 2012 წელს უკრაინისა და ყირიმის მეღვინეთა კავშირმა დააჯილდოვა "ლევ გოლიცინის" ოქროს მედლით; 2014 წელს მიენიჭა მეღვინეობის საპატიო დეგუსტატორის წოდება; მონაწილეობდა მსოფლიოს მრავალი ქვეყნის მეღვინეობის გამოფენებზე, ბაზრობასა და დეგუსტაციაზე; ეწევა პედაგოგიურ საქმიანობას სომელიეთა და ბარმენთა ასოციაციაში. გამოქვეყნებული აქვს მრავალი მონოგრაფია და სახელმძღვანელო. მეღვინე, ალკოჰოლური და უალკოჰოლო სასმელების სპეციალისტი.

წყარო: საქართველო: ენციკლოპედია: ტ. IV. -თბ., 2018.-გვ. 488

• მევენახეობისა და მეღვინეობის საერთაშორისო აკადემია, ნამდვილი წევრი (1998-)
• სა­ქართველოს ვეტერან მეღვინეთა საზოგადოება, პრეზიდენტი (2008-)

• სამტრესტი და სამტრესტელები 85, 1929-2014 : მონოგრაფია (ავტორი). - თბილისი, პეტიტი, 2014. - 372გვ. . - ISBN: 978-9941-9327-7-9
• ბონდოს არაყი : კრებული (ავტორი). - თბილისი, პეტიტი, 2013. - 204გვ.
• კიდევ ერთი დავითი : ნაშრომი ეძღვნება ღირსეული ქართველი მამულიშვილის, მეწარმისა და მეცენატის-დავით კალანდაძის დაბადებიდან 120-ე წლისთავს (ავტორი). - თბილისი, პეტიტი, 2009. - 147გვ.. - ISBN: 978-9941-9063-4-3
• ქართული ღვინისა და ალკოჰოლური სასმელების მატიანე [1800 წლიდან 2009 წლამდე] (ავტორი). - თბილისი, პეტიტი, 2008. - 576გვ.. - ISBN: 978-99940-944-9-3
• მსოფლიოს მაგარი ალკოჰოლური სასმელები (ავტორი). - თბილისი, პეტიტი, 2007. - 532გვ.. - ISBN: 978-99940-944-0-0