ვასილ კაჭარავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1976 წელს; მ. ლომონოსოვის სახელობის მოსკოვის სახელმწიფო უნივერსიტეტის ასპირანტურა 1980 წელს; სტენფორდის უნივერსიტეტის საერთაშორისო კვლევისა და გაცვლების საბჭოს სტაჟიორი (კალიფორნია, 1987-1988); ვისკონსინის უნივერსიტეტი მედისონში, ფულბრაიტის პროგრამა (2003-2004); ტრეინინგი ევროპისმცოდნეობის საკითხებში გრენობლის უნივერსიტეტში (2007); ტრეინინგი ევროპისმცოდნეობის საკითხებში ინსბრუკის უნივერსიტეტში (2008).

1980-1983წწ. იყო თბილისის სახელმწიფო უნივერსიტეტის ისტორიის ფაკულტეტის აზიისა და აფრიკის უახლესი კათედრის ასისტენტი; 1983-1985წწ. თბილისის სახელმწიფო უნივერსიტეტის ისტორიის ფაკულტეტის აზიისა და აფრიკის უახლესი ისტორიის კათედრის დოცენტი; 1985-1994წწ. თბილისის სახელმწიფო უნივერსიტეტის ისტორიის ფაკულტეტის ევროპის და ამერიკის ახალი და უახლესი ისტორიის კათედრის დოცენტი; 1993-1994წწ. საქართველოს საგარეო საქმეთა სამინისტროს ამერიკის სამმართველოს უფროსი; 01/1994-11/94 საქართველოს პარლამენტის აპარატის უფროსი; 1994-1998წწ. ამერიკის შეერთებულ შტატებში საქართველოს საელჩოს საგანგებო და სრულუფლებიანი დესპანი აშშ-ში, კანადასა და მექსიკაში; 1998-1999წწ. საქართველოს საგარეო საქმეთა სამინისტროს ევროპის და ამერიკის დეპარტამენტის დირექტორის მოადგილე; 1999-2001წწ. განათლების სისტემის გარდაქმნისა და განმტკიცების პროექტის საკოორდინაციო განყოფილების ხელმძღვანელი; 1999-2006წწ. თბილისის სახელმწიფო უნივერსიტეტის ევროპის და ამერიკის ახალი და უახლესი ისტორიის კათედრის დოცენტი, ამერიკის შესწავლის ცენტრის დირექტორი; 1999-2009წწ. თსუ ამერიკის შესწავლის ცენტრის დირექტორი; 2005-2007წწ. შავი ზღვის საერთაშორისო უნივერსიტეტის ასოცირებული პროფესორი; 2008-2010წწ. შავი ზღვის საერთაშორისო უნივერსიტეტის სრული პროფესორი; 2005-2010წწ. საქართველოს უნივერსიტეტის ასოცირებული პროფესორი; 2007-2023წწ. თსუ ევროპისმცოდნეობის ინსტიტუტის ასოცირებული პროფესორი; 2008-2012წწ. თსუ ჰუმანიტარული ფაკულტეტის ასოცირებული პროფესორი; 2009-2023წწ. თსუ ამერიკის შესწავლის ინსტიტუტის ხელმძღვანელი; 2012-2023წწ. თსუ ჰუმანიტარული ფაკულტეტის პროფესორი; ეწოდა საექსპერტო თნამშრომლობა ქართულ ტელეარხებთან: 2002-2003წწ. პირველ არხზე დილის პროგრამა "ალიონში" მიყავდა ყოველკვირეული რუბრიკა "საუბრები ამერიკაზე"; 2007 წელს ტელეარხ "მზეზე" მოამზადა საავტორო გადაცემა "XX საუკუნე", რომელშიც წინა საუკუნის ცალკეული წლების მსოფლიო ისტორიაა ასახული, გადაცემას 2009 წელსაც აჩვენებდნენ, როგორც "მზეზე", ასევე საქართველოს საპატრიარქოს ტელეარხზე; ტელეარხების "რუსთავი 2"-ისა და "იმედის" სანფორმაციო გამოშვებებში, როგორც მიწვეული ექსპერტი, აკეთებდა კომენტარებს თანამედროვე ამერიკასა და ევროპაში მიმდინარე პოლიტიკური მოვლენების შესახებ; კითხულობდა სალექციო კურსს: აშშ-ის ისტორიის ზოგადი კურსი; ამერიკის კულტურის ისტორია; ქართულ-ამერიკული ურთიერთობების ისტორია; აშშ-ის საგარეო პოლიტიკის ისტორია; აშშ-ის პოლიტიკური მმართველობა; აშშ-ისა და ევროპის ურთიერთობის ისტორია; მსოფლიოს ისტორიის ზოგადი კურსი რეფორმაციიდან XX საუკუნემდე; ევროპის ისტორია - XX საუკუნე; ევროპის კულტურული მოზაიკა; აშშ პოპ კულტურის ისტორია; არის არაერთი მონოგრაფიისა და სამეცნიერო სტატიის ავტორი; მონაწილეობდა ადგილობრივ და საერთაშორისო კონფერენციებში. პროფესორი.

წყარო: ივ. ჯავახიშვილის სახელობის თბილისის სახელმწიფო უნივერსიტეტი: old.tsu.ge

• ამერიკის შესწავლის საქართველოს ასოციაცია, პრეზიდენტი (2000-2023)

• რონალდ რეიგანი და მისი ათწლეული : ამერიკა 1980-იან წლებში = Ronald Reagan and his Decade : America in the 1980s : მონოგრაფია (ავტორი). - თბილისი, თბილისის უნივერსიტეტის გამომცენლობა, 2022. - 534გვ.. - ISBN: 9789941360138
• დემოკრატიის გაკვეთილები : ამერიკის შეერთებული შტატების პოლიტიკური ისტორია : 1877-2008 წლები : სახელმძღვანელო (ავტორი). - თბილისი, თბილ. უნ-ტის გამ-ბა, 2018. - 546, [18]გვ.. - ISBN: 9789941137020
• ამერიკა 1950-იან წლებში : ეიზენჰაუერივით კონსერვატიული და მონროსავით მომხიბლავი (ავტორი). - თბილისი, კლიო, 2011. - 500გვ.. - ISBN: 9789941415340
• 1920-იანი წლების ამერიკა : ამერიკული ინდივიდუალიზმი, ეკონომიკური აყვავება, ჯაზის ეპოქა, მშრალი კანონი, დეპრესია (ავტორი). - თბილისი, საქართველოს მაცნე, 2008. - 440გვ.. - ISBN: 978-99940-66-81-0