ვახტანგ კახეთელიძე

დაბადების ადგილი: სოფელი სამთისი, ახლანდელი ონის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1936 წელს.

1935-1940წწ. კითხულობდა პოლიტიკური ეკონომიის კურსს თბილისის სხვა­და­სხვა ტექნიკუმში; 1942-1954წწ. იყო პარტიულ სამუშაოზე; 1954-1980წწ. მუ­შა­ობ­და სა­ქართველოს მეცნიერებათა აკადემიის ეკონომიკისა და სამართლის ინსტიტუტში უფროს მეცნიერ თანამშრომლად, სხვა­და­სხვა განყოფილების გამგედ; წლების განმავლობაში ეწეოდა პედაგოგიურ მოღვაწეობას სა­ქართველოს სა­ხელმწიფო თეატრალურ ინსტიტუტში, თბილისის სამხატვრო აკადემიაში, სა­ქართველოს სასოფლო-სამეურნეო ინსტიტუტში, თბილისის სახელმწიფო უნივერსიტეტსა და საქართველოს პოლიტექნიკურ ინსტიტუტში; 1939-1945წწ. მონაწილეობდა II მსოფლიო ომში; მიღებული აქვს საბრძოლო ჯილდოები; ავტორია მრავალი სამეცნიერო ნაშრომისა (მ. შ. მონოგრაფიებისა და სახელმძღვანელოების), რომლებიც ეძღვნება პოლიტიკური ეკონომიის, ეკონომიკის მოძღვრებათა ისტორიის, აგრარულ ურთიერთობათა, სახალხო მეურნეობის ისტორიის, სტატისტიკისა და აღრიცხვის პრობლემებს. ეკონომიკის მეცნიერებათა დოქტორი (1965), პროფესორი (1967).

წყარო: საქართველო: ენციკლოპედია: ტ. IV. -თბ., 2018.-გვ. 585

• 1983 - საქართველოს მეცნიერებათა დამსახურებული მოღვაწე

• საქართველოს სსრ კოლმეურნეობრივი პროდუქტიული მეცხოველეობის ეკონომიკის საკითხები : მეცხოველეობა, მეფუტკრეობა და მეაბრეშუმეობა 1921-1970 წწ. (ავტორი) // ნაწ.3. - თბილისი, მეცნიერება, 1973. - 251გვ.
• საქართველოს სსრ კოლმეურნეობრივი პროდუქტიული მეცხოველეობის ეკონომიკის საკითხები (ავტორი) // ნაწ.2. - თბილისი, მეცნიერება, 1964. - 374გვ.
• საქართველოს სსრ კოლმეურნეობრივი პროდუქტიული მეცხოველეობის ეკონომიკის საკითხები (ავტორი) // ნაწ.1. - თბილისი, საქ. სსრ მეცნ. აკად. გამ-ბა, 1962. - 240გვ.
• მიწის რენტის ბურჟუაზიული თეორიების კრიტიკა (ავტორი). - თბილისი, საქ. სსრ მეცნ. აკად. გამ-ბა, 1958. - 95გვ.
• მარქსისტულ-ლენინური მოძღვრება მიწის დიფერენციული რენტის შესახებ (ავტორი). - თბილისი, საბჭ. საქართველო, 1957. - 159გვ.