ტარასი კვარაცხელია

დაბადების ადგილი: სოფელი ნაკიფუ, წალენჯიხის რაიონი.

დაამთავრა უმანის მიწათმოქმედებისა და მებაღეობის სასწავლებელი 1911 წელს. იმავე წელს შედის სანკტ-პეტერბურგის სასოფლო-სამეურნეო უმაღლეს კურსებზე.

1914-1916წწ. ხელმძღვანელობს სოხუმის სასოფლო-სამეურნეო საზოგადოების ილორის საცდელ-საჩვენებელ სადგურს. 1925 წელს ნიშნავენ აფხაზეთის მიწსახკომის სასოფლო-სამეურნეო განყოფილების გამგედ. სოხუმის საცდელ სადგურში მუშაობის დროს აქვეყნებს დიდი თეორიული და პრაქტიკული მნიშვნელობის შრომებს. 1930 წლიდან გადაიყვანეს ოზურგეთში ჩაის მეურნეობის საკავშირო სამეცნიერო-საკვლევი ინსტიტუტის შესაქმნელად დაბა ანასეულში. 1932წ. იგი მიავლინეს შორეულ აღმოსავლეთში. 1936წ. ისევ სოხუმში გადაჰყავთ, ხოლო 1937 წლიდან იგი დანიშნეს სუბტროპიკული მეხილეობის კათედრის გამგედ საქართველოს სასოფლო-სამეურნეო ინსტიტუტში, სადაც მუშაობდა სიცოცხლის ბოლომდე. სამეცნიერო კვლევის დარგში მოღვაწეობის პირველ წლებში ძირითადად მუშაობდა მეხილეობაში, შემდგომში მუშაობა მეტწილად მიეძღვნა გარემო პირობების გავლენის შესწავლას სასოფლო-სამეურნეო მცენარეთა ფესვთა სისტემის განვითარებაზე, ნიადაგის ეროზიული ,მოვლენებს და მასთან ბრძოლის საკითხებს. გამოქვეყნებული აქვს 80-ზე მეტი შრომა. აგრონომი, სოფლის მეურნეობის მეცნიერებათა დოქტორი (1936), პროფესორი (1946).

წყარო: ქართული საბჭოთა ენციკლოპედია, ტ. 5. -თბ., 1980. -გვ. 489; საქართველო: ენციკლოპედია: ტ. IV. -თბ., 2018.-გვ. 651-652; ტარასი კვარაცხელია (1889-1951) = Тарасий Кварацхелия (1889-1951) : ბიობიბლიოგრაფია / საქ. სსრ მეცნ. აკად., ცენტრ. სამეცნ. ბიბ-კა; შემდგ.: ნ. ბაღათურია, ი. დუდუჩავა.-თბილისი, 1980.-გვ.92 : science.org.ge

• ლენინის სახელობის სასოფლო-სამეურნეო საკავშირო აკადემია, წევრი
• საქართველოს მეცნიერებათა აკადემია, აკადემიკოსი (1941-)

• 1946 - საქართველოს მეცნიერებათა დამსახურებული მოღვაწე
• 1941 - ლენინის ორდენი
• შრომის წითელი დროშის ორდენი

• Избранные труды : Субтропическое плодоводство (ავტორი) // т. 2. - Тбилиси, Акад. наук Груз. СССР, 1963. - 268с.
• სიმინდის უხვი მოსავლის ოსტატები (ავტორი). - თბილისი, სახელგამი, 1950. - 112გვ.
• სუბტროპიკული მეხილეობა : სახელმძღვ. სუბტრ. კულტურათა ფაკ. 3 ნაწილად (ავტორი) // ნაწ. 1. - თბილისი, ტექნიკა და შრომა, 1948. - 226გვ.
• ჩაის ბუჩქი და მისი თანამგზავრი კულტურები (ავტორი). - ტფილისი, ტექნიკა და შრომა, 1936. - 383გვ.
• ნიადაგის გადარეცხვა და წალეკვა ჩაის პლანტაციებზე (ავტორი). - ტფილისი, სახელგამის სას.-საკოლმეურნ., 1933. - 42გვ.