კირა კვეიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ჟურნალისტიკის განყოფილება.

აქტიურად მოღვაწეობდა პრესაში, აქვეყნებდა ლექსებსაც. სიცოცხლეში დაბეჭდა რამდენიმე მონოგრაფია კულტურის მოღვაწეებზე. მისი გარდაცვალების შემდეგ, უმცროსმა დამ, მსახიობმა და მწერალმა ნესტან კვეიძემ, გამოსცა კირა კვეიძის ლექსების რამდენიმე კრებული: "იმედი" (1992), "ფრესკის კარედი" (1997), "მზის სიმღერა" (საბავშვო ლექსები, 1995), "ვარდის ფურცლები" (2001), "უბრალო კაცი ვარ" (პიერ ბერანჟეს ლექსების თარგმანი), "აბანთ-მეჯლისი" (2005) და სხვა. მისი პიესები იდგმებოდა ქუთაისის, რუსთავის, თბილისის თოჯინების თეატრებში. მის ლექსებზე შექმნილია კომპოზიტორების რუსუდან სებისკვერაძის, ალექსანდრე ბასილაიას, ჯუმბერ ჯანდიერის და სხვათა პოპულარული სიმღერები. გარდაიცვალა 9 აპრილის აქციაზე მოწამვლის შედეგად.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 188

• ლამარა ვაშაკიძე : მონოგრაფია (ავტორი). - ქუთაისი, 2004. - 31გვ.
• მხატვარი შეყვარებულთა ქალაქიდან (ავტორი). - ქუთაისი, 2004. - 24გვ.
• ვარდის ფურცლები : ლექსები (ავტორი). - ქუთაისი, საგამომცემლო ცენტრი, 2001. - 70გვ.
• მზის სიმღერა : ლექსები (ავტორი). - ქუთაისი, საგამომცემლო ცენტრი, 2000. - 115გვ.
• ნათელა საღარაძე : თეატრალური პორტრეტი (ავტორი). - ქუთაისი, 1999. - 48გვ.
• როცა სცენაზეა გრიგოლ ნაცვლიშვილი : მონოგრაფია . - ქუთაისი, ქუთ. ს/ს "სტამბის" საგამომცემლო ცენტრი, 1998. - 55გვ.