ნოდარ კობერიძე

დაბადების ადგილი: ქ. თბილისი.

დაამთავრა თბილისის ივანე ჯავახიშვილის სახელმწიფო უნივერსიტეტის ისტორიის ფაკულტეტი 1974 წელს.

1975-1977წწ. მუშაობდა ისტორიულ-ეთნოგრაფიულ მუზეუმში, მეცნიერ-თანამშრომელად; 1978-1979წწ. იყო მე-18 პროფტექნიკუმის მასწავლებელი; 1986 წელს გამოვიდა მისი პირველი რომანი "თეთრი ღიმილი". 1988 წელს კი - "რომ გაიმარჯვო ერეტიკოსი უნდა იყო"; 1987 წელს დაიბეჭდა პირველი მოთხრობათა კრებული "ჟოკეის ბედის ნებიერი", რომელმაც დიდი გამოხმაურებე ჰპოვა საზოგადოებაში; 1990 წელს იბეჭდება მწერლის მეორე მოთხრობათა კრებული "წყალდიდობა"; ამავე წელს თანამოაზრეებთან ერთად აფუძვნებს საქართველოს ფეხბურთის ფედერაციას; იგი ხდება გაზეთ "ქართული ფეხბურთის" რედაქტორი; 1992 წელს დაიბეჭდა მწერლის პუბლიცისტური ნაშრომი "ბედისწერა საქართველოსი"; 1992 წელს კენჭს იყრიდა საბურთალოს რაიონში, მაჟორიტარ დეპუტატად; 1993 წელს იგი გაზეთ "თემის" მთავარი რედაქტორია; 1994 წელს გახდა გაზეთ "სარანგის" მთავარი რედაქტორი; 1995 წელს კენჭს იყრიდა ვაკის რაიონში მაჟორიტარ დეპუტატად; 1995 წელს გამოვიდა მისი ახალი პუბლიცისტური ნაშრომი "ვინც მახვილს აიღებს"; 1999 წელს კენჭს იყრიდა დეპუტატად პარტიული სიით; 2000 წელს იგი გახდა გაზეთ "მესამე ათასწლეულის" მთავარი რედაქტორი და გამომცემელი; 2000 წელს გამოვიდა მისი შემდეგი რომანი "მეორე ფორმა"; ერთი ახალი ნოველათა კრებული "ორი გოლგოთა" (2007); კრებული "ლახტის წრეში" (2009); პოლიტიკური რომანი "აღდგომის ღამე ქაიროში, მამლუქთა სასაფლაოზე" (2010); 80-იანი წლების მიწურულს ნოდარ კობერიძის ნაწერების აქტიური თარგმნა და გავრცელება დაიწყო რუსულ, მოლდავურ, ინგლისურ და ესტონურ ენებზე.

• დავით აღმაშენებლის საზოგადოება, პასუხისმგებელი მდივანი (1989-)
• კონსტანტინე გამსახურდიას საზოგადოება, ერთ-ერთი დამფუძნებელი (1993-)
• საზოგადოება "ტაო-კლარჯეთი", დამფუძნებელი (1998-)
• საზოგადოება "ტაო-კლარჯეთი", პრეზიდენტი (1998-)
• საქართველოს დამოუკიდებელი ოლიმპიური კომიტეტი, ერთ-ერთი დამფუძნებელი (1990-)
• საქართველოს მწერალთა კავშირი, წევრი (1991-)

• 2015 - ილია ჭავჭავაძის სახელობის პრემია
• 2013 - ნიკო ლორთქიფანიძის სახელობის პრემია
• 2013 - დავით აღმაშენებლის სახელობის პრემია
• 2010 - ნიკო ნიკოლაძის სახელობის პრემია

• აღდგომის ღამე ქაიროში, მამლუქთა სასაფლაოზე : პოლიტ. რომანი (ავტორი). - თბილისი, "ეროვნული მწერლობის" გამ-ბა და სტ., 2010. - 96გვ.. - ISBN: 978-9941-0-2212-8
• ლახტის წრეში : რომანი, მოთხრობები, პუბლიცისტიკა (ავტორი). - თბილისი, "ეროვნული მწერლობის" გამ-ბა და სტ., 2009. - 240გვ.
• ორი გოლგოთა : ნოველები (ავტორი). - თბილისი , მესამე ათასწლეული, 2007. - 192გვ.
• მეორე ფორმა : რომანი. - თბილისი, 2000. - 144გვ.
• ვინც მახვილს აიღებს : პუბლიცისტური ნაშრომი (ავტორი). - თბილისი, 1998. - 43გვ.
• ბედისწერა საქართველოსი? : წერილები, მოთხრობები, რომანი (ავტორი). - თბილისი, გულანი, 1992. - 238გვ.
• რომ გაიმარჯვო, ერეტიკოსი უნდა იყო : რომანები (ავტორი). - თბილისი, მერანი, 1991. - 312გვ.
• წყალდიდობა : მოთხრობები (ავტორი). - თბილისი, ნაკადული, 1989. - 87გვ.