ედუარდ კოდუა

დაბადების ადგილი: ქ. სენაკი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1954 წელს.

1954-1956წწ. ეწეოდა პედაგოგიურ მოღვაწეობას ქ. ცხაკაიას (ახლანდ. სენაკი) საშუალო სკოლაში. 1954-1959წწ. იყო სენაკის სასოფლო-სამეურნეო ტექნიკუმის მასწავლებელი; 1963-1968წწ. თბილისის სახელმწიფო უნივერსიტეტის ფილოსოფიის ფაკულტეტის დიალექტიკური მატერიალიზმის კათედრის თანამშრომელი, დოცენტი (1963–1969) ; 1968-1980წწ. ფილოსოფიის კათედრის პროფესორი; 1980-2002წწ. სოციოლოგიის კათედრის გამგე. მისი კვლევის ძირითადი სფეროებია XX ს. ქართ. ფილოსოფია, სოციოლოგია, ისტორიული ფილოსოფია, ეგზისტენციალური ფილოსოფია. ისტორიულ ფილოსოფიაში ახლებურად გაიაზრა ისტორიული საზრისის პრობლემა, სოციოლოგიაში – სოციოლოგიის მიმართება სხვა სოციალურ დისციპლინებთან: სოციალურ ევოლუციასთან, სოციალურ ფსიქოლოგიასთან, დემოგრაფიასა და ანთროპოლოგიასთან. მან გამოყენებითი სოციოლოგია საქართველოს საუნივერსიტეტო სივრცეში დაუკავშირა მნიშვნელოვან მიკრო და მაკრო თეორიულ პარადიგმებს, რისი წყალობითაც ეს დისციპლინა აკადემიურ მეცნიერებად აქცია. არის მრავალი მონოგრაფიის, სახელმძღვანელოს და სამეცნიერო სტატიის ავტორი. ფილოსოფიის მეცნიერებათა დოქტორი (1968). პროფესორი (1970-1984). ფილოსოფოს-სოციოლოგი.

საკანდიდატო დისერტაციის თემა - "ისტორიის ნეოკანტიანური მეთოდოლოგიის კრიტიკა", დაიცვა 1963 წელს; სადოქტორო დისერტაციის თემა - "ისტორიის საზრისის საკითხისათვის", დაიცვა 1968 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 184;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.345;  საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• საქართველოს მეცნიერებათა აკადემია, წევრ-კორესპონდენტი (1997-)
• საქართველოს სოციოლოგთა ასოციაცია, პრეზიდენტი (1986-2002)

• 1999 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი პირადი დიდ წვლილისათვის, ნაყოფიერი სამეცნიერო და პედაგოგიური მოღვაწეობისათვის

• ეთნოსოციოლოგიის ზოგიერთი საკითხი (ავტორი). - თბილისი, თბილ. უნ-ტის გამ-ბა, 2002. - 124გვ.. - ISBN: 99928-911-8-1
• კულტურის სოციოლოგია : სახელმძღვ. სოციალ. მეცნ. მაგისტრანტებისათვის (ავტორი). - თბილისი, ნეკერი, 2001. - 293გვ.. - ISBN: 99928-58-43-5
• ივანე ჯავახიშვილის სოციოლოგიური და ისტორიის ფილოსოფიური ძიებანი (ავტორი). - თბილისი, თბილ. უნ-ტის გამ-ბა, 1997. - 180გვ.. - ISBN: 5-511-00759-5
• სოციოლოგია (ავტორი). - თბილისი, თბილ. უნ-ტის გამ-ბა, 1995. - 260გვ.. - ISBN: 5-511-00652-1
• სოციოლოგია (ავტორი) // ნაკვ. 1.. - თბილისი, თბილ. უნ-ტის გამ-ბა, 1995. - 176გვ.. - ISBN: 5-511-00637-8
• ფილოსოფიის შესავალი (ავტორი). - თბილისი, თბილ. უნ-ტის გამ-ბა, 1992. - 284 გვ.. - ISBN: 5-511-00387-5
• ექსისტენციალიზმი ფილოსოფიის არსების შესახებ (ავტორი). - თბილისი, თბილ. უნ-ტის გამ-ბა, 1984. - 311გვ.
• ისტორიის ფილოსოფია : ბურჟუაზიული თეორიების კრიტიკა (ავტორი). - თბილისი, თბილ. სახელმწ. უნ-ტის გამ-ბა , 1966. - 414გვ.