ვიქტორ კოკოჩაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ქიმიო-ფარმაცევტული ფაკულტეტი 1928 წელს. 

1927-1928 წლებში მუშაობდა თსუ-ს არაორგანული ქიმიის კათედრის ასისტენტად, ხოლო 1929-1930 წლებში ფიზიკური ქიმიის კათედრის ასისტენტად. პარალელურად, 1930 წელს იგი ხდება სამეცნიერო კვლევითი ინსტიტუტის მეცნიერ-თანამშრომელი, იმავე წელს მას ირჩევენ აკადემიის ქიმიო-ტექნოლოგიური ინსტიტუტის ფიზიკური ქიმიის კათედრის ასისტენტად. სხვადასხვა პერიოდში ინიშნება დნეპროპეტროვსკის ქიმიო-ტექნოლოგიური ინსტიტუტის არაორგანული ქიმიის კათედრის დოცენტად; პარარელულად- უკრაინის ფიზიკური ქიმიის კვლევითი ინსტიტუტის მეცნიერ-თანამშრომლად. 1934-1935 წლებში ვ. კოკოჩაშვილი მუშაობდა თსუ-ის ასპირანტების ხელმძღვანელად ფიზიკურ ქიმიაში და მეცნიერებათა აკადემიის საქართველოს ფილიალის ქიმიური ინსტიტუტის სწავლულ სპეციალისტად. 1935 წელს ირჩევენ ქუთაისის პედაგოგიური ინსტიტუტის ფიზიკური ქიმიის კათედრის დოცენტად და იმავე წელს თსუ-ის ფიზიკური ქიმიის კათედრის გამგედ, სადაც ის თითქმის 40 წელი, 1973 წლამდე მოღვაწეობდა. ფარმაცევტ ივანე კოკოჩაშვილის შვილი. ქიმიკოსი, ქიმიის მეცნიერებათა დოქტორი (1943), პროფესორი (1944). 

წყარო: ქართული საბჭოთა ენციკლოპედია: ტ. 5.- თბ., 1980.- გვ. 575

• 1980 - ივანე ჯავახიშვილის სახელობის მედალი
• 1961 - საქართველოს მეცნიერებათა დამსახურებული მოღვაწე

• ფიზიკური და კოლოიდური ქიმია (ავტორი). - თბილისი, თბილ. უნ-ტის გამ-ბა, 2006. - 85გვ.. - ISBN: 99940-51-78-4
• ქიმია უმაღლეს სასწავლებლებში შემსვლელთათვის (ავტორი). - თბილისი, განათლება, 1969. - 423გვ.
• არაორგანული ქიმიის კურსი : სახელმძღვ. ქიმიის ფაკ-ტის სტუდენტებისათვის (ავტორი) // ნაწ. 2. - თბილისი, თბილ. უნ-ტის გამ-ბა, 1969
• ქიმია უმაღლეს სასწავლებლებში შემსვლელთათვის (ავტორი). - თბილისი, 1966. - 359გვ.
• ქიმია : უმაღლ. სასწავლებლებში შემსვლელთათვის (ავტორი). - თბილისი, ცადნა, 1964. - 194გვ