თამარ კოტრიკაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ-ევროპული ენებისა და ლიტერატურის ფაკულტეტი გერმანისტიკის განხრით.

1994-1995წწ. ზამთრის სემესტრის განმავლობაში სტიპენდიანტის სტატუსით სწავლობდა გერმანიის ქ. ბამბერგის უნივერსიტეტში; 1996-1998წწ. მუშაობდა საქართველოს კულტურულ ურთიერთობათა ცენტრ "კავკასიურ სახლში" უფროს მეცნიერ თანამშრომლად, იყო ამავე ორგანიზაციის ბაზაზე არსებული რ.მ. რილკეს საზოგადოების სწავლული მდივანი; 1998-2006წწ. მუშაობდა ილია ჭავჭავაძის სახელობის თბილისის სახელმწიფო უნივერსიტეტში, სადაც სხვადასვა დროს ასწავლიდა გერმანულ ენას, დასავლეთევროპულ ლიტერატურასა და კულტურას. 2000 წლის ზაფხულის სემესტრის მანძილზე ავსტრიული აკადემიური სტიპენდიით იმყოფებოდა ქ. კლაგენფურტში, სადაც მუშაობდა სადისერტაციო ნაშრომზე. ნათარგმნი აქვს ქართველი, გერმანელი, ინგლისელი, იტალიელი და რუსი ავტორების ნაწარმოებები.

საკანდიდატო დისერტაციის თემა - "ანგელოზის თემა და მოტივი დასავლეთევროპულ ლიტერატურაში", დაიცვა 2003 წელს.   

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.116

• 2010 - პრემია "საგურამო"
• 2007 - ჟურნალ "ჩვენი მწერლობის" ყოველწლიური პრემია , თარგმანის ნომინაციაში
• 2003 - ავსტრიის კულტურის პრემია

• ანგელოზის თემა და მოტივი თანამედროვე დასავლეთევროპულ ლიტერატურაში (ავტორი). - თბილისი, ენა და კულტურა, 2002. - 300გვ.