პაატა კოღუაშვილი

დაბადების ადგილი: ქ. ქუთაისი.

დაამთავრა საქართველოს სასოფლო-სამეურნეო ინსტიტუტის ეკონომიკის ფაკულტატი, ეკონომისტ-ორგანიზატორის კვალიფიკაციით 1978 წელს; თბილისის სახელმწიფო უნივერსიტეტის (კახეთის ფილიალი) იურიდიული ფაკულტეტი - 2003 წელს.

1978-1988წწ. იყო ნიადაგმცოდნეობის, აგროქიმიისა და მელიორაციის სამეცნიერო-კვლევითი ინსტიტუტის უმცროსი მეცნიერ-თანამშრომელი, საქართველოს სახელმწიფო აგროსამრეწველო კომიტეტის მევენახეობისა და მეხილეობის მთავარი სამმართველოს წამყვანი ეკონომისტი, მთავარი ეკონომისტი; 1989 წლიდან - საქართველოს კოლმეურნეობათა საბჭოს გლეხურ (ფერმერულ) მეურნეობათა სექტორის უფროსი; 1990-1991წწ. - საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "საქართველოს სახალხო ფრონტი", საარჩევნო ფორმა: მაჟორიტარული, მაჟორიტარი ადიგენის საარჩევნო ოლქიდან; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1992-1995 წწ. - საქართველოს მიწის რესურსებისა და მიწის რეფორმის სახელმწიფო კომიტეტის თავმჯდომარე, საქართველოს მთავრობის თავმჯდომარის მოადგილე აგრარულ საკითხებში; 1992-1995წწ. - საქართველოს მე-3 მოწვევის პარლამენტის წევრი, საარჩევნო ბლოკი: "11 ოქტომბერი" - "საქართველოს სახალხო ფრონტი", საარჩევნო ფორმა: პროპორციული წესით, №5 მრავალმანდატიანი საარჩევნო ოლქიდან. 1995 წ.  აგვისტოში ხელი აქვს მოწერილი საქართველოს კონსტიტუციაზე. 70- ზე მეტი საერთაშორისო სამეცნიერო კონფერენციის მონაწილე-მომხსენებელი. სახელმძღვანელოების  რედაქტორი,  მონოგრაფიებისა და სამეცნიერო ჟურნალების სარედაქციო საბჭოს წევრი. 2017 წელს საქართველოს სოფლის მეურნეობის მეცნიერებათა აკადემიის  პრეზიდიუმის გადაწყვეტილებით მიენიჭა ექსპერტის წოდება აგრარული ეკონომიკის დარგში. 300 სამეცნიერო შრომისა და სტატიის ავტორი - აგროეკონომიკურ, სასურსათო უშიშროების, სასოფლო-სამეურნეო კოოპერაციის, მიწისა და სოფლის განვითარების პოლიტიკის პრობლემებზე. საქართველოს ტექნიკური უნივერსიტეტის პროფესორი, სადოქტორი-საგანმანათლებლო პროგრამის "აგრარული ეკონომიკა"  ხელმძღვანელი. ეკონომიკის მეცნიერებათა დოქტორი (2003), პროფესორი, აკადემიკოსი.

წყარო: საქართველოს პარლამენტის ვებგვერდი: parliament.ge; საქართველოს სოფლის მეურნეობის მეცნიერებათა აკადემია: gaas.dsl.ge; საქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ. 215

• ეკონომიკურ მეცნიერებათა აკადემია, ნამდვილი წევრი (2014-)
• ომის და სამხედრო ძალების ვეტერანი N107 300 0944
• საგანგებო ეკონომიკური საბჭო, წევრი
• საქართველოს ეკონომიკურ მეცნიერებათა აკადემია, ნამდვილი წევრი
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის საფინანსო-საბიუჯეტო კომისია, კომისიის თავმჯდომარის მოადგილე (1992-1995)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს აგრარული რეფორმის ქვეკომისია, თავმჯდომარე (1990-1991)
• საქართველოს რესპუბლიკის სახელმწიფო საბჭო, წევრი (1992-1992)
• საქართველოს რესპუბლიკის სახელმწიფო საბჭო, აგრარულ საკითხთაქ კომისიის თავმჯდომარე (1992-1992)
• საქართველოს სოფლის მეურნეობის აკადემია, აკადემიკოსი (2015-)
• საქართველოს სოფლის მეურნეობის აკადემია, წევრ-კორესპონდენტი (2004-2015)
• სახელმწიფოს მეთაურის წარმომადგენელი აგრო-სასურსათო სექტორი, წევრი
• ფაზისის მეცნიერებათა აკადემია, ნამდვილი წევრი (2018-)
• ცხუმ-აფხაზეთის მეცნიერებათა აკადემია, ნამდვილი წევრი (2012-)

• 2017 - აგრარული ეკონომიკის დარგის ექსპერტის წოდება (საქართველოს სოფლის მეურნეობის მეცნიერებათა ადემიის პრეზიდიუმის გადაწყვეტილებით)
• 2017 - საქართველოს სოფლის მეურნეობის მეცნიერებათა აკადემიის საპატიო სიგელი
  აგრარული ეკონომიკის დარგის განვითარებაში შეტანილი წვლილისათვის
• 2014 - საქართველოს საუკეთესო მეცნიერის წოდება აგრარული ეკონომიკის დარგში
• 2013 - ღირსების ორდენი
• 1995 - აკაკი წერეთლის სახელობის პრემია

• მიწის ადმინისრირება და მიწათსარგებლობის მონიტორინგი (თანაავტორი). - თბილისი, სტუ, 2022
• მიწის მმართველობა : სახელმძღვანელო (თანაავტორი). - თბილისი, ტექნიკური უნივერსიტეტი, 2018. - 184გვ. . - ISBN: 9789941281655
• საქართველოს სოფლის მეურნეობის განვითარების პროგნოზი (თანაავტორი). - თბილისი, საარი, 2017. - 60გვ.
• საქართველოს ეკონომიკა : სახელმძღვანელო (თანაავტორი). - თბილისი, შპს "თეკა & კომპანია", 2016. - 388გვ.. - ISBN: 9789941084270
• უძრავი ქონების ეკონომიკა : სახელმძღვ. (თანაავტორი). - თბილისი, ტექნ. უნ-ტი, 2013. - 378გვ.. - ISBN: 9789941202674
• ილია ჭავჭავაძე მეურნის თვალით (ავტორი). - თბილისი, მერიდიანი, 2012. - 102გვ.. - ISBN: 978-9941-10-701-6
• აგრარული საწარმოს ეკონომიკა : სახელმძღვ. (ავტორი). - თბილისი, საარი, 2010. - 250გვ.. - ISBN: 978-99940-60-90-0
• საქართველო - ვაზისა და ხორბლის ქვეყანა : ორი ილია [ილია ჭავჭავაძე და კათოლიკოს-პატრიარქი ილია II] (ავტორი). - თბილისი, ინოვაცია, 2009. - 56გვ.. - ISBN: 9789941907555
• ქართველთა კვების კულტურა (თანაავტორი). - თბილისი, ინოვაცია, 2009. - 188გვ.. - ISBN: 9789941911941
• "სამკვიდროს გულიდამ ამოღება ძნელია" : ილია ჭავჭავაძე სოფლის მეურნეობის შესახებ (ავტორი). - თბილისი, უნივერსალი, 2007. - 92გვ.. - ISBN: 9789941120534
• სოფლის მეურნეობის ეკონომიკა : სახელმძღვ. ეკონ. სპეც. სტუდ. (ავტორი). - თბილისი, თბილ. უნ-ტის გამ-ბა, 2006. - 543გვ.. - ISBN: 99940-855-0-6
• საქართველოს სასურსათო უშიშროება : რეალობა და პროგნოზები (ავტორი). - თბილისი, კოლორი, 2004. - 272გვ.. - ISBN: 99928-0-765-2
• სასურსათო პრობლემიდან-სასურსათო უსაფრთხოებამდე (თანაავტორი). - თბილისი, 2003. - 140გვ. . - ISBN: 9992816341
• აგრარული რეფორმა : შედეგები და პერსპექტივები (ავტორი). - თბილისი, 1998. - 104გვ.