გოჩა კუჭუხიძე

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი აღმოსავლური ენებისა და ლიტერატურის განხრით 1984 წელს; თბილისის ილია ჭავჭავაძის სახელობის უცხო ენათა სახელმწიფო ინსტიტუტის სინქრონული თარგმნის უმაღლესი კურსები არაბულ-რუსული განხრით - 1986 წელს.

1985-1998წწ. - საქართველოს მეცნიერებათა აკადემიის არქეოლოგიური კვლევის ცენტრის შუა საუკუნეების განყოფილება, უფროსი ლაბორანტი, უმცროსი მეცნიერ-თანამშრომელი; სწავლობდა საქართველოში ქრისტიანობის გავრცელების ადრეული საფეხურის ისტორიასთან დაკავშირებულ არქეოლოგიურ მასალას; მონაწილეობდა აღმოსავლეთ საქართველოს მთიანეთის არქეოლოგიური ექსპედიის მუშაობაში; 1994 წელს პარალელურად მუშაობა დაიწყო საქართველოს მეცნიერებათა აკადემიის შოთა რუსთაველის სახელობის ქართული ლიტერატურის ინსტიტუტის ძველი ქართული ლიტერატურის განყოფილებაში, ჯერ უმცროს, შემდეგ, უფროს მეცნიერ-თანამშრომლად. მონაწილეობა აქვს მიღებული საერთაშორისო და რესპუბლიკური სიმპოზიუმებისა და კონფერენციების მუშაობაში; სხვადასხვა წელს იყო რამდენიმე სამეცნიერო პერიოდული გამოცემის ავტორი, ლიტერატურის ინსტიტუტის გაზეთ "კალმასობის" რედკოლეგიის წევრი, სამეცნიერო წიგნების რეცენზენტი, და სხვ. თარგმნილი აქვს ჰაინრიხ ჰაინეს, ალექსანდრე პუშკინის ლექსები, სამეცნიერო ნაშრომები და სხვ. მონაწილეობა აქვს მიღებული საქართველოს მეცნიერებათა აკადემიისა და რუსთაველის სახელმწიფო ფონდის მიერ დაფინანსებულ საგრანტო პროექტებზე მუშაობაში, როგორც თემის შემსრულებელს, პროექტის ერთ-ერთ ავტორს, მენეჯერს. სამეცნიერო ნაშრომებისა და პუბლიკაციების ავტორი. ფილოლოგიის მეცნიერებათა დოქტორი (2006).

საკანდიდატო დისერტაციის თემა - "წმიდა გრიგოლ განმანათლებლის ცხოვრების ერთი არაბული ვერსია და ქართველთა მოქცევის საკითხი", დაიცვა 1999 წელს; სადოქტორო დისერტაციის თემა - "წმიდა ჰაბო ტფილელის მარტვილობა (ტექსტოლოგიური და ღვთისმეტყველებითი ანალიზი)", დაიცვა 2006 წელს. 

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.475; შოთა რუსთაველის ქართული ლიტერატურის ინსტიტუტი: litinstituti.ge

• კომპარატივისტული ლიტერატურის საერთაშორისო ასოციაცია, წევრი
• საქართველოს ბიზნესის მეცნიერებათა აკადემია, აკადემიკოსი (2010-)

• ქებაჲ და დიდებაჲ ქართულისა ენისაჲ : სამეცნიერო კრებული (თანაავტორი). - თბილისი, საარი, 2021. - 360გვ. . - ISBN: 9789941493058
• ბოლშევიზმი და ქართული ლიტერატურა = Bolshevism and Georgian Literature : მეორე მსოფლიო ომის დაწყებიდან სკკპ მე-20 ყრილობამდე (1941–1956 წწ) (თანაავტორი). - თბილისი, მწიგნობარი, 2019. - 804გვ. . - ISBN: 9789941485848
• ქრისტიანობის პირველი ოთხი საუკუნე/ანდრეი მურავიოვი (მთარგმნელი). - თბილისი, ალილო, 2017. - 436გვ. . - ISBN: 9789941274763
• ეროვნული თვითშემეცნების სათავეებთან: იოანე საბანისძე მარტჳლობაჲ ჰაბო ტფილელისაჲ : ლიტერატურის ინსტიტუტის გზამკვლევი (თანაავტორი). - თბილისი, შოთა რუსთაველის ქართული ლიტერატურის ინ-ტი, 2016. - 404გვ.. - ISBN: 9789941135231
• ილია ჭავჭავაძე გლობალიზაციის სათავებთან : კრებული (თანაავტორი). - თბილისი, მწიგნობარი, 2014. - 440გვ.. - ISBN: 9789941450259
• ვაჟა-ფშაველა 150 - თანამედროვე ინტერპრეტაციათა ცდანი : კრებული (თანაავტორი). - თბილისი, თბილ. უნ-ტის გამ-ბა, 2012. - 251გვ. . - ISBN: 9789941132360
• გალაკტიონოლოგია : კრებული (თანაავტორი) // კრ. 4 . - თბილისი, 2008. - 372გვ. . - ISBN: 9789941010538