სეით ლარცულიანი

დაბადების ადგილი: სოფელი ლარჩვალი, ცაგერის რაიონი.

დაამთავრა ამიერკავკასიის კომუნისტურ უნივერსიტეტი 1932 წელს; საქართველოს მარქსიზმ-ლენინიზმის ინსტიტუტის ასპირანტურა ფილოსოფიის სპეციალობით 1935 წელს.

ლექციებს კითხულობდა თბილისის სახელმწიფო უნივერსიტეტში ფილოსოფიის ფაკულტეტზე; სხვადასხვა დროს იყო საქართველოს მეცნიერებათა აკადემიის ფილოსოფიის ინსტიტუტის დირექტორი; თბილისის სახელმწიფო უნივერსიტეტის დიალექტიკური და ისტორიული მატერიალიზმის კათედრის გამგე. იგი იკვლევდა ისტორიული მატერიალიზმის, მეცნიერული კომუნიზმისა და კომუნისტური პარტიის ისტორიის საკითხებს. ამ დარგში გამოქვეყნებული ჰქონდა ნაშრომები ორი მონოგრაფიისა და რამდენიმე ათეული სტატიის სახით. ფილოსოფიის მეცნიერებათა კანდიდატი (1946), პროფესორი.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.116

• გონებრივ და ფიზიკურ შრომას შორის არსებითი განსხვავების დაძლევა (ავტორი). - თბილისი, საბჭ. საქართველო, 1967. - 37გვ.
• სოციალიზმიდან კომუნიზმში გადასვლის კანონზომიერი ხასიათის შესახებ (ავტორი). - თბილისი, საბჭ. საქართველო, 1964. - 45გვ.
• სოციალისტური წარმოების წესის განვითარების კანონზომიერების შესახებ (ავტორი). - თბილისი, საბჭ. საქართველო, 1961. - 145გვ.