ირაკლი მათურელი

დაბადების ადგილი: ქ. თბილისი.

დაამთავრა თბილისის სამიწათმომწყობო ტექნიკუმი 1932 წელს; 1940 წელს დაამთავრა მოსკოვის გეოდეზიის, აეროფოტოგადაღების და კარტოგრაფიის საინჟინრო ინსტიტუტის კარტოგრაფიის ფაკულტეტი ინჟინერ-კარტოგრაფის სპეციალობით.

განაწილებით მუშაობა დაიწყო თბილისის N8 კარტოგრაფიულ ფაბრიკაში. 1941-1945წწ. გაწვეულ იქნა არმიაში და მუშაობდა ამიერკავკასიის ფრონტის შტაბის კარტოგრაფიულ ნაწილში; 1945-1952წწ. მუშაობდა ქუთაისის პედაგოგიური ინსტიტუტის ფიზიკური გეოგრაფიის კათდრაზე; 1952-1983წწ. საქართველოს სასოფლო-სამეურნეო ინსტიტუტის გეოდეზიის კათედრაზე, აქვე, 1963 წლიდან იყო კათედრის გამგე; 1983-1989წწ. მუშაობდა ვახუშტი ბაგრატიონის სახელობის გეოგრაფიის ინსტიტუტის კარტოგრაფიულ განყოფილებაში უფროსი მეცნიერ თანამშრომლის თანამდებობაზე. მუშაობდა კარტოგრაფიის ისტორიის საკითხებზე. არქივებსა და წიგნთსაცავებში მიკვლეული პირველწყაროების საფუძველზე გამოაქვეყნა მონოგრაფია. ტექნიკის მეცნიერებათა კანდიდატი, დოცენტი (1954). 

საკანდიდატო დისერტაციის თემა - "ქართული კარტოგრაფია", დაიცვა 1954 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.177

• ვახუშტი ბაგრატიონის კარტოგრაფიული მემკვიდრეობა (ავტორი). - თბილისი, საქართველო, 1990. - 132 გვ.
• გეოდეზია მიწათმოწყობის საფუძვლებით : სახელმძღვანელო სასოფლო-სამეურნეო ინსტიტუტის სტუდენტებისათვის (ავტორი) // ნაწ. 1. - თბილისი, განათლება, 1976. - 247გვ.
• Материалы по грузинской картографии первой половины ХVIII века (ავტორი). - Тбилиси, "Сабчота Сакартвело", 1961. - 108с.
• იმერეთის მეფის ალექსანდრე მეხუთის რუკა : საქ. კარტოგრაფიის ისტორიიდან (ავტორი) // ა. წულუკიძის სახ. ქუთაისის სახელმწ. პედინ-ტის შრომები, ტ. IX. - ქუთაისი, 1949. - გვ.203-221