ბორის მაისურაძე

დაბადების ადგილი: ქ. ბორჯომი.

დაამთავრა საქართველოს ტექნიკური უნივერსიტეტის სატრანსპორტო ფაკულტეტი, ხიდებისა და სატრანსპორტო გვირაბების მშენებლობის სპეციალობით 1993 წელს.

1993 წელს დაიწყო მუშაობა საქართველოს ტექნიკური უნივერსიტეტის ხიდებისა და გვირაბების კათედრაზე; 1993-2006წწ. ეწეოდა პედაგოგიურ-სამეცნიერო მოღვაწეობას უნივერსიტეტის ზემოაღნიშნულ კათედრაზე; იყო კათედრის ლაბორანტი, უფროსი ლაბორანტი, ლაბორატორიის გამგე, კათედრის ასისტენტი; 2006 წელს დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი; 2006-2013წწ. იყო საქართველოს ტექნიკური უნივერსიტეტის ხიდებისა და სატრანსპორტო გვირაბების მიმართულების ასისტენტ-პროფესორი; 2013-2017წწ. ამავე უნივერსიტეტის საგზაო დეპარტამენტის ასოციერებული პროფესორი; 2017 წლიდან არის საქართველოს ტექნიკუერი უნივერსიტეტის საგზაო დეპარტამენტის ხიდებისა და სატრანსპორტო გვირაბების მიმართულების პროფესორი; 2005 წლიდან არის შპს "კავტრანსპროექტის" დირექტორი და საქართველოს საავტომობილო გზების დეპარტამენტის ტექნიკური საბჭოს წევრი; 2017 წლიდან სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" საინჟინრო ნაგებობების ნაწილის მიწვეული ექსპერტია; მისი მონაწილეობითა და ხელმძღვანელობით დამუშავებულია მრავალი სატრანსპორტო დანიშნულების მნიშვნელოვანი საინჟინრო ხელოვნური ნაგებობების მშენებლობის პროექტი. მათ შორის: "ახალქალაქი-კრწანისის" ახალი სარკინიგზო ხაზის ხელოვნური ნაგებობების (მ.შ. 5 ხიდის), ახალქალაქის ახალი სარკინიგზო სადგურის, ქ. თბილისის გზაგამტარების "ლაგუნა-1", "ლაგუნა-2", გზაგამტარი ბარათაშვილის სახ. ხიდთან და კოსტავას ქუჩაზე გმირთა მოედანთან, ქ. თბილისის შემოვლითი რკინიგზის ხელოვნური ნაგებობების (მ.შ. 8 ხიდის), "მარაბდა-ახალქალაქის" სარკინიგზო ხაზის რეაბილიტაცია-რეკონსტრუქციისა და ახალი ხელოვნური ნაგებობების, სარკინიგზო ხიდების რეაბილიტაციის მთავარ სარკინიგზო ხაზზე (7 ხიდი), საქართველოს საავტომობილო გზებზე ახალი სახიდე გადასასვლელების (32 ხიდი), აგრეთვე ახალი საავტომობილო მაგისტრალის "ხევი-არგვეთას" მონაკვეთზე ხელოვნური ნაგებობების (მ.შ. 13 გვირაბი, 2 ხიდი) და სხვა; ასევე განხორციელებული აქვს ხიდებისა და ხელოვნური ნაგებობების გამოკვლევა-გამოცდა (სულ 180 ნაგებობა, მ.შ. 140 ხიდი); თანაავტორია 22 სამეცნიერო ნაშრომის და 3 გამოგონების; მონაწილეობა აქვს მიღებული სხვადასხვა სამეცნიერო კონფერენციებსა და სიმპოზიუმებში; მრავალწლიანი წარმატებული სამეცნიერო-პედაგოგიური, პროფესიული პრაქტიკული საინჟინრო საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 175-176