ოთარ მამფორია

დაბადების ადგილი: ქ. ქუთაისი. 

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1951 წელს, ხოლო შემდეგ მოსკოვის მ. გორკის სახელობის უმაღლესი ლიტერატურული კურსები 1958 წელს.

პირველი ლექსი 1940 წელს გამოაქვეყნა, პირველი კრებული "ლექსები და პოემა" 1956 წელს; ავტორია ლექსთა კრებულებისა, პოემებისა, პიესებისა, სატირულ-იუმორისტული და საბავშვო ნაწარმოებებისა, რომელთაგან აღსანიშნავია "ცისკრის ვარსკვლავი" (1958), "ცისარტყელა ჩანჩქერებში" (1962), "რჩეული ლექსები" (1966), "ეტლი წუთისოფლისა" (1970), "ერთი მუჭა მიწა" (1971), "პიესები" (1977), "მეტეხის ჩრდილში" (დაიდგა რუსთაველის სახ. თეატრში, 1963, გამოიცა 1969), "ტაგუ" (დაიდგა ქუთ. ლ. მესხიშვილისა სახ. თეატრში, 1969), "იეთიმ გურჯი" (დაიდგა მარჯანიშვილის სახ. თეატრში, 1974), "უმხედრო ბედაური" (1982) და სხვ. ავტორია ლექსების, მოთხრობების, პიესებისა და საბავშვო მოთხრობების 50-მდე კრებულისა. თარგმნა ესენინი, ბლოკი, ევტუშენკო, პასტერნაკი.

წყარო: ქართული საბჭოთა ენციკლოპედია: ტ.6.-თბ., 1983. -გვ.400; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.37

• 1997 - ღირსების ორდენი

• საქართველო ჩირაღდანად მინთია! : ლექსები და პოემა (ავტორი). - თბილისი, პირველი სტამბა, 1999. - 134გვ.
• ჩემი ქუთათური რაინდები : დრამატ. რომანი (ავტორი). - თბილისი, მერანი, 1995. - 244გვ.
• ცისკრის ვარსკვლავი : ლექსები (ავტორი). - თბილისი, საბჭ. საქართველო, 1959. - 133გვ.