მარიჯანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოსოფია–ფილოლოგიის ფაკულტეტი 1922 წელს.

პირველი ლექსი "ტბა" 1916 წელს გამოქვეყნდა, პირველი კრებული "ლექსები" - 1921 წელს. 1926 წელს გამოვიდა მისი საბავშვო პოემა "ნელი ცირკში", რომელმაც მნიშვნელოვანწილად განსაზღვრა პოეტის შემოქმედებითი გეზი - შემდგომში იგი ძირითადად საბავშვო მწერლობაში მუშაობდა. მარიჯანი მთარგმნელობით საქმიანობასაც ეწეოდა. მის მიერ თარგმნილია კ. ჩუკოვსკის, ა. ტოლსტოის, ს. მიხალკოვის საბავშვო თხზულებანი, ხოლო იოსებ გრიშაშვილთან ერთად თარგმნა მოლიერის "ტარტიუფი", ბომარშეს "ფიგაროს ქორწინება", ნ. პოგოდინის "თოფიანი კაცი". მისი ნაწარმოებები თარგმნილია რუსულ ენაზე. მწერალი აქტიური საზოგადოებრივი ცხოვრებით ცხოვრობდა 20 წლის მანძილზე საქართველოს მწერალთა კავშირში მუშაობდა საბავშვო ლიტერატურის სექციის მდივან-კონსულტანტად და ამით ხელს უწყობდა საბავშვო ლიტერატურის წინსვლის საქმეს.

წყარო: მამულიშვილთა სავანე. - თბ., 1994. - გვ.249; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 211

• იაკობ გოგებაშვილის სახელობის პრემია
• შრომის წითელი დროშის ორდენი

• მამიდა თეოს მარანი : მოთხრობა ბავშვებისათვის (ავტორი). - თბილისი, ნაკადული, 1969. - 18გვ.
• ისევ ლექსებით (ავტორი). - თბილისი, მერანი, 1969. - 147გვ.
• დაკარგული კბილი : ვოდევილი 1 მოქმედებად (ავტორი). - თბილისი, 1940. - 12გვ.
• მამიდა თეოს მარანი : ლექსები, მოთხრობები (ავტორი). - თბილისი, ანბანი. - 72გვ.