არამ მარტიროსოვი

დაბადების ადგილი: ქ. სიღნაღი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი, კავკასიური და აღმოსავლური ენების განხრით; 1941 წელს დაამთავრა ენიმკი-ს (ენის, ისტორიისა და მატერიალური კულტურის ინსტიტუტი) ასპირანტურის კურსი.

1941 წლიდან სიცოცხლის ბოლომდე მუშაობდა ჯერ ენიმკის, შემდეგ ენათმეცნიერების ინსტიტუტის თანამშრომლად, სადაც გაიარა გზა უმცროსი მეცნიერ-თანამშრომლიდან წამყვან მეცნიერ-თანამშრომლამდე. 1938 წლიდან სიცოცხლის ბოლომდე ეწეოდა პედაგოგიურ მოღვაწეობას საქართველოს სხვადასხვა უმაღლეს სასწავლებელში. იყო ა.ს. პუშკინის სახელობის თბილისის პედაგოგიური ინსტიტუტის პროფესორი, კათედრის გამგე. ავტორია ქართული და ქართველოლოგიური ენათმეცნიერების საკითხებზე გამოქვეყნებული მრავალი ნაშრომისა, მათ შორის აღსანიშნავია 5 მონოგრაფია. საქართველოს სომხურ სკოლებში ქართულ ენას VII, VIII, XIX და X კლასებში ასწავლიდნენ მისი თანაავტორობით შედგენილი სახელმძღვანელოებით. ენათმეცნიერი, ქართველოლოგი. ფილოლოგიის მეცნიერებათა დოქტორი (1965), პროფესორი.

წყარო: ქართული ენა: ენციკლოპედია. - თბ. 2008. - გვ.303-304

• ქართული ენა და ლიტერატურა : 5 ტომად (თანაავტორი) // ტ. 2, ქართული ენა: [სტატიების კრებული] . - თბილისი, 2009. - 279გვ.. - ISBN: 9789941032288
• ქართული ენის ჯავახური დიალექტი : გამოკვლევა და ტექსტი ლექსიკონითურთ (ავტორი). - თბილისი, მეცნიერება, 1984. - 271გვ.
• ქართული დიალექტოლოგიის ისტორიისათვის (ავტორი). - თბილისი, მეცნიერება, 1972. - 186გვ.
• ნაცვალსახელი ქართველურ ენებში : ისტ.-შედარებითი ანალიზი (ავტორი). - თბილისი, საქ. სსრ მეცნ. აკად. გამ-ბა, 1964. - 402გვ.
• ქართული ენის კახური დიალექტი : გამოკვლევა და ტექსტები ლექსიკონითურთ (თანაავტორი). - თბილისი, საქ. სსრ მეცნ. აკად. გამ-ბა , 1956. - 194გვ.