ალექსანდრე მაყაშვილი

დაბადების ადგილი: სოფელი კონდოლი, ახლანდელი თელავის მუნიციპალიტეტი.

დაამთავრა თბილისის მე-2 გიმნაზია; 1918  წელს  როსტოვის უნივერსიტეტის ფიზიკა-მათემატიკის ფაკულტეტის საბუნებისმეტყველო განყოფილება; თბილისის უნივერსიტეტის აგრონომიული ფაკულტეტი 1925 წელს.

1933-1952წწ. მუშაობდა უნივერსიტეტის ბოტანიკის კათედრაზე. 1953-1962წწ. იყო თბილისის პედაგოგიური ინსტიტუტის ბოტანიკის კათედრისა და ამავე დროს საქართველოს მეცნიერებათა აკადემიის ბოტანიკის ინსტიტუტის ცოცხალი კავკასიის ფლორის განყოფილების გამგე 1935-1955წწ. იკვლევდა საქართველოს ველურ და კულტურულ ფლორას, მდელოებსა და საძოვრებს და მათი გაუმჯობესების საკითხებს ("საქართველოს სარეველა მცენარეების სარკვევი", 1934; "თბილისის მიდამოების ფლორა", ტ. 1-2, 1935 და სხვა); ავტორია სახელმძღვანელოებისა და სამეცნიერო-პოპულარული წიგნებისა ("ზოგადი მიწათმოქმედების კურსი", 1932; "ჩვენი ტყისა და მინდვრის ყვავილები“, 1957; "ჩვენი ხეები და ბუჩქები", 1960 და სხვა). მაყაშვილი იყო "საქართველოს ფლორის" გამოცემის ერთ-ერთი (ტ. 1-2, 1941) თანაავტორი და თანარედაქტორი. შეადგინა "სასოფლო-სამეურნეო ტერმინოლოგია" (მემცენარეობა, 1938) და "ბოტანიკური ლექსიკონი" (I გამოცემა 1949, II — 1961), რომელშიც შეკრებილია ველურ და კულტურულ მცენარეთა ხალხური სახელწოდებები და დადგენილია მათი მეცნიერული ნომენკლატურა. ბოტანიკოსი, საქართველოში მცენარეთა ფიტონიმიკისა და თბილისის შემოგარენის ფლორისტიკის ერთ-ერთი ფუძემდებელი, ლექსიკოგრაფი, პროფესორი (1962).

წყარო: თბილისი: ენციკლოპედია.- თბ., 2002. - გვ.647-648.

• საქართველოს ხეები და ბუჩქები (ავტორი). - თბილისი, WWF, 1995. - 66გვ.
• ბოტანიკური ლექსიკონი : მცენარეთა სახელწოდებანი (ავტორი). - თბილისი, მეცნიერება, 1991. - 248გვ.
• საქართველოს სარეველა მცენარეები : სარკვევი (ავტორი). - თბილისი, თსუ, 1934. - 336გვ.
• ზოგადი მიწათმოქმედება : მოკლე კურსი : სახელმძღვ. უმაღლეს სასწავლებლებისათვის (ავტორი). - ტფილისი, სახელგამის გამ-ბა, 1932. - 286გვ.
• ბოტანიკური ლექსიკონი : მცენარეთა სახელწოდებანი (ავტორი). - თბილისი, საქ. სსრ მეცნ. აკად. გამ-ბა და სტ.. - 210გვ.