თამთა მელაშვილი

დაბადების ადგილი: ქ. ამბროლაური.

დაამთავრა თბილისის სახელმწიფო უნივერსიტეტის საერთაშორისო ურთიერთობების ფაკულტეტი.

მუშაობდა რამდენიმე ადგილას, ერთი წელი გერმანიაში გაატარა, შემდეგ ისევ სამშობლოს დაუბრუნდა; შემდეგ ბუდაპეშტში წავიდა, სადაც მაგისტრის ხარისხზე მუშაობდა, გენდერული კვლევების თემაზე; წერდა ბავშვობიდან. პირველი ნაწარმოები ვებ-პორტალ lit.ge-ზე გამოქვეყნდა. 2006 წელს, ამავე პორტალის კონკურსში გამარჯვებული მოთხრობა კრებულში შეიტანეს; იგივე მოთხრობა ბაკურ სულაკაურის გამომცემლობამ დაბეჭდა იმავე წლის ანთოლოგიაში "15 საუკეთესო". ლიბ.გე-სა და გამომცემლობა "სიესტას" ერთობლივ კრებულში, 2008 წელს, შევიდა მისი კიდევ ერთი მოთხრობა, რომელიც 2009-ში ისევ გაიმეორა ბაკურ სულაკაურის გამომცემლობამ ანთოლოგიაში "15 საუკეთესო"; 2008 წელს მოიპოვა მაგისტრის ხარისხი გენდერის კვლევებში ცენტრალური ევროპის უნივერსიტეტიდან (ბუდაპეშტი); 2009 წელს გახდა ჰაინრიჰ ბიოლის ფონდის სამხრეთ კავკასიის რეგიონალური ბიუროს სტიპენდიანტი; 2012 წლიდან მოწვეული ლექტორია ივანე ჯავახიშვილის სახელობის თბილისის სახელმწიფო უნივერსიტეტში, სოციალურ და პოლიტიკურ მეცნიერებათა ფაკულტეტზე. გენდერისა და ფემინიზმის საკითხებზე თანამშრომლობდა სხვადასხვა ორგანიზაცებთან, მათ შორის: ჰაინრიჰ ბიოლის ფონდის სამხრეთ კავკასიის რეგიონალური ბიურო, ქალთა ფონდი საქართველოში, ქალთა ფონდი და მეხსიერების კვლევის ცენტრი ტასო; მიღებული აქვს ფრანკფურტის გერმანიის ახალგაზრდული ლიტერატურის პრემია, წიგნისთვის "გათვლა" (მთარგმნელ ნათია მიქელაძე–ბახსოლიანთან ერთად). ასწავლიდა შემდეგ კურსებს: გენდერი და პოლიტიკა, მასკულინობის კვლევები, შესავალი ფემინისტურ ნააზრევში.

წყარო: თარგმანის ლაბორატორია: translationlab.ge; womenofgeorgia.ge; emc.org.ge

• ლიტერატურული კონკურსი "წერო", ჟიურის პრიზი

• თქმული და უთქმელი ისტორიები: გერმანელები საქართველოში (ავტორი). - თბილისი, ინტელექტი, 2017. - 184გვ.. - ISBN: 9789941470707
• მარინეს ანგელოზები : მოთხრობები (ავტორი). - ბათუმი, წიგნები ბათუმში, 2017. - 72გვ.. - ISBN: 9789941467790
• კატო მიქელაძე: ქართული ფემინიზმის უცნობი ისტორიები (ავტორი). - თბილისი, ჰაინრიჰ ბიოლის ფონდის სამხრეთ კავკასიის რეგიონული ბიურო, 2017. - 296გვ.. - ISBN: 9789941097942
• აღმოსავლეთით : რომანი (ავტორი). - თბილისი, ბაკურ სულაკაურის გამ-ბა, 2015. - 126გვ.. - ISBN: 9789941235047
• გათვლა : რომანი (ავტორი). - თბილისი, ბაკურ სულაკაურის გამ-ბა, 2014. - 116გვ.. - ISBN: 9789941231490