კოტე მელაშვილი

დაბადების ადგილი: სოფელი ზედა დიმი, ბაღდადის რაიონი.

1940 წელს უგამოცდოდ ჩაირიცხა საქართველოს პოლიტექნიკური ინსტიტუტის ელექტროტექნიკურ ფაკულტეტზე. დაამთავრა თბილისის სახელმწიფო უნივერსიტეტის იურიდიული ფაკულტეტი ექსტერნის წესით 1951 წელს. 

1941-1942 წლებში შინაგან საქმეთა სახალხო კომისარიატის მოკლევადიან კურსებზე სწავლის შემდეგ სახელმწიფო უშიშროების უმცროსი ლეიტენანტის წოდებით გაამწესეს განსაკუთრებულ სამხედრო ნაწილში, იყო მოკავშირე ქვეყნების იალტის კონფერენციის მონაწილეთა დაცვის საგანგებო სამხედრო-სადაზვერვო ნაწილის უფროსი ყირიმში. 1945-1946წწ. მუშაობდა საქართველოს სახელმწიფო უშიშროების სამინისტროში დაზვერვისა და კონტრდაზვერვის განყოფილებაში.  1957-1979წწ. მუშაობდა საქართველოს შინაგან საქმეთა სამინისტროში სხვადასხეა საპასუხისმგებლო თანამდებობებზე.  პირველი ლექსები დაიბეჭდა "ახალგაზრდა კომუნისტსა“ და "ნორჩ ლენინელში" 1939 წელს. გამოქვეყნდა მისი ლექსების წიგნი სერიით "ქართველი მწერლები დიდ სამამულო ომში", ლექსების 7 და მოთხრობების 4 კრებული, ერთი ვრცელი კრიტიკული მონოგრაფია, 3 მეცნიერული წიგნი და მრავალი სტატია. დაიცვა საკანდიდატო დისერტაცია 1977 წელს. 1979 წლიდან მუშაობს თბილისის სულხან-საბა ორბელიანის სახელობის უნიეერსიტეტის პედაგოგიკის კათედრის დოცენტად. დაჯილდოებულია ორდენით და მედლებით.  სამხედო მოღვაწე.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 220; ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 79-80

• მედალი "საბრძოლო დამსახურებისთვის"
• მედალი "გერმანიაზე გამარჯვებისთვის"
• სამამულო ომის II ხარისხის ორდენი

• მოძღვართათვის პედაგოგიის საფუძვლები (ავტორი). - თბილისი, წიგნ. მომხმარებელთა კავშ., 1998. - 100გვ.
• ო, რა ძნელია! : იუმორისტული ლექსები (ავტორი). - თბილისი, საქ. კპ ცკ-ის გამ-ბა, 1990. - 59გვ.
• აზრი ყოველთვის სათავეა : იგავები ლექსებად (ავტორი). - თბილისი, ნაკადული, 1989. - 29გვ.
• ფიქრები ძეგლებთან : ლექსები (ავტორი). - თბილისი, საბჭოთა საქართველო, 1987. - 90გვ.
• ტყვიის კვალი : მოთხრობები (ავტორი). - თბილისი, საბჭოთა საქართველო, 1975. - 122გვ.