ლეონ მელიქსეთ-ბეგი

დაბადების ადგილი: ქ. თბილისი.

დაამთავრა ოდესის უნივერსიტეტი.

იგი სტუდენტობიდანვე ჩაება სამეცნიერო-კვლევით მუშაობაში; უნივერსიტეტის დამთავრების შემდეგ ნიკო მარმა მიიწვია თანამშრომლად ჟურნალ "ქრისტიანულ აღმოსავლეთში", მაგრამ მან თბილისში დაბრუნება არჩია და ფართო კვლევითი საქმიანობა გაშალა; მუშაობდა თბილისის სხვადასხვა სამეცნიერო საზოგადოებაში; 1918 წელს მიიწვიეს თბილისის უნივერსიტეტში; 1922 წლიდან გარდაცვალებამდე იყო თბილისის სახელმწიფო უნივერსიტეტის არმენოლოგიის კათედრის გამგე; მუშაობდა ლიტერატურათმცოდნეობის, არქეოლოგიის, ხელოვნებათმცოდნეობის, ეთნოგრაფიის, ეპიგრაფიკის, სამართლის, ბიბლიოგრაფიის და სხვა საკითხებზე; მისი შრომები, გარდა მეცნიერული მიზნებისა, ემსახურება ქართველთა და სომეხთა შორის ისტორიულად ჩამოყალიბებული მეგობრობის განმტკიცებას; ავტორია შრომებისა: "მეგალითური კულტურა საქართველოში"(1938, ქართულ ენაზე), "ქართული წყაროები სომხეთისა და სომხების შესახებ"(1-3, 1934-1955, სომხურ ენაზე), "სომეხი მწერლები და საქართველო"(ტ. 1, 1963, სომხურ ენაზე) და სხვა შრომები.; იგი ეწეოდა მთარგმნელობით საქმიანობასაც, თარგმნიდა სომხურიდან ქართულზე და პირიქით: "ვეფხისტყაოსნის" ნაწყვეტები, ი. ჭავჭავაძის "ბედნიერი ერი", ა. წერეთლის "მეგობარს", იეთიმ გურჯის, საიათნოვას, ი. გოგებაშვილის და სხვათა ლექსები; ავტორია რამდენიმე სახელმძღვანელოსი; მის პირად არქივში დაცულია მრავალი გამოუქვეყნებელი ნაშრომი; სომეხი მეცნიერი, არმენოლოგი, ფილოლოგიის მეცნიერებათა დოქტორი (1928), პროფესორი (1930).

წყარო: მამულიშვილთა სავანე. - თბ., 1994. - გვ.265

• სომხეთის სსრ მეცნიერებათა აკადემიია, წევრ-კორესპონდენტი (1945-)

• 1941 - საქართველოს მეცნიერებათა დამსახურებული მოღვაწე

• სომხურ-ქართული ლექსიკონი (ავტორი). - თბილისი, ნეკერი, 1996. - 334გვ.
• სომხური სიძველენი ტფილისის ახლო მიდამოებში : შავნაბად-თელეთ-წავკისი (ავტორი). - ტფილისი, 1922. - 101გვ.
• ძველი სომხური ქრესტომატია ლექსიკონითურთ (ავტორი) // ნაკვეთი პირველი : ქრესტომატია. - ტფილისი, საქართველოს რესპუბლიკის ქალაქთა კავშირის სტ., 1920. - 140გვ.