ელენე მეტრეველი

დაბადების ადგილი: ქ. ზესტაფონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1940 წელს.

1944-1948წწ. მუშაობდა გორის პედაგოგიურ ინსტიტუტში; 1946-1958წწ. საქართველოს სახელმწიფო მუზეუმის ხელნაწერთა განყოფილებაში, ხოლო 1948-1952წწ. თბილისის პედაგოგიურ ინსტიტუტში. 1958-1968წწ. მუშაობდა კორნელი კეკელიძის სახელობის ხელნაწერთა ინსტიტუტში არქეოგრაფიული განყოფილების ხელმძღვანელად. 1968-1988წწ. იყო ამავე ინსტიტუტის დირექტორი; 1988 წლიდან სიცოცხლის ბოლომდე – ხელნაწერთა ინსტიტუტის დირექტორის მრჩეველი. იკვლევდა VIII-XIX საუკუნეების ქართულ მწერლობას, XVI-XVIII საუკუნეების ლექსიკოლოგიურ, სამართლებრივ, კარტოგრაფიულ ძეგლებს, ცალკეული მწერლების შემოქმედებას. მისი არაერთი ნაშრომი ძველი ქართული კულტურის საზღვარგარეთული კერების კვლევას ეძღვნება. განსაკუთრებული წვლილი მიუძღვის ქართული სასულიერო პოეზიის საკითხების შესწავლაში. ძველი ქართული კულტურისა და მწერლობის ისტორიის მკვლევარი, ფილოლოგიურ მეცნიერებათა დოქტორი (1958), პროფესორი (1970), ტიუბინგენის (გერმანია) უნივერსიტეტის თეოლოგიის ფაკულტეტის საპატიო დოქტორი.

წყარო: მეცნიერი ქალი ვებგვერდი: geowomen.wordpress.com; სამხრეთ კავკასია: ფემინიზმი და გენდერული დემოკრატია: feminism-boell.org; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.50; ქართული საბჭოთა ენციკლოპედია : ტ. 6.-თბ.,1983.-გვ.615; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.319

• საქართველოს მეცნიერებათა აკადემია, აკადემიკოსი (1983-2003)

• 1998 - კორნელი კეკეკლიძის სახელმწიფო პრემია
• 1996 - ღირსების ორდენი
  ძველი ქართული მწერლობის ისტორიის კვლევის საქმეში განსაკუთრებული წვლილის, ნაყოფიერი სამეცნიერო, პედაგოგიური და საზოგადოებრივი მოღვაწეობისათვის
• 1994 - საქართველოს სახელმწიფო პრემია, მეცნიერებისა და ტექნიკის დარგში
  ჰუმანიტარულ მეცნიერებათა დარგში ძველი ქართული მწერლობის ძეგლის "უძველესი იადგარის" გამოკვლევისა და გამოსაცემად მომზადებისათვის
• 1976 - შრომის წითელი დროშის ორდენი

• ფილოლოგიურ-ისტორიული ძიებანი (ავტორი) // ნაკვ. 2. - თბილისი, ლოგოსი, 2012. - 370 გვ.. - ISBN: 978-9941-437-31-1
• ფილოლოგიურ-ისტორიული ძიებანი (ავტორი) // ნაკვ. 1. - თბილისი, არტანუჯი, 2007. - 324 გვ.. - ISBN: 978-99940-59-90-4
• ათონის ქართველთა მონასტრის სააღაპე წიგნი (ავტორი). - თბილისი, სკოლა, 1998. - 448გვ.
• ნარკვევები ათონის კულტურულ-საგანმანათლებლო კერის ისტორიიდან (ავტორი). - თბილისი, ნეკერი, 1996. - 320გვ.