თეიმურაზ მიბჩუანი

დაბადების ადგილი: სოფელი მულახი, მესტიის რაიონი.

დაამთავრა სოხუმის პედაგოგიური ინსტიტუტის ისტორიის ფაკულტეტი 1967 წელს.

ინსტიტუტის დამთავრების შმდეგ ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის ასპირანტურაში განაგრძო სწავლა, შემდეგ ლექციებს კითხულობდა სოხუმის პედაგოგიურ ინსტიტუტში. მონაწილეობდა საქართველოს მასწავლებელთა IV ყრილობის მუშაობაში. 1979 წელს დაიცვა საკანდიდატო დისერტაცია, 1990 წელს სადოქტორო დისერტაცია. 1991 წელს მიანიჭეს პროფესორის წოდება. 1990 წელს აირჩიეს სოხუმის სახელმწიფო უნივერსიტეტის მსოფლიო ისტორიის, არქეოლოგიისა და ეთნოგრაფიის კათედრის გამგედ. იგი იყო არა ერთი საკანდიდატო და სადოქტორო დისერტაციების მეცნიერული ხელმძღვანელი, აქტიურად მონაწილეობდა საზოგადოებრივ საქმიანობაში. არჩეული იყო აფხაზეთის მეცნიერებათა აკადემიის პრეზიდენტად და საზოგადოება "ცოდნის" აფხაზეთის გამგეობის თავმჯდომარედ. გამოქვეყნებული აქვს 300-ზე მეტი მეცნიერული ნაშრომი, მათ შორის აფხაზეთის თემაზე მეცნიერული ნაშრომისათვის დაჯილდოვებული იყო გ. შარვაშიძის პრემიით, საუკეთესო ნაშრომის პრიზით და ღირსების ორდენით. განსაკუთრებულია მისი ღვაწლი მეცნიერულ აფხაზეთმცოდნეობაში. მან მონოგრაფია მიუძღვნა აფხაზეთის მეფეებსა და მთავრებს, აფხაზეთის მატერიალურ-კულტურულ ძეგლებს და ეპიგრაფიკას. გამოიკვლია აგრეთვე დღევანდელი აფხაზური გვარები და დაადგინა, რომ ამჟამინდელ აფხაზთა დაახლოებით 80 პროცენტი ქართული წარმოშობისაა. 1993 წელს რუსულ ენაზე გამოსცა ბროშურა "Заговор" რომელშიც აფხაზეთში მიმდინარე პროვოკაციული ომი სამართლიანად საქართველოს წინააღმდეგ მოწყობილ შეთქმულებად შეაფასა. თავისი მეცნიერული გამოკვლევებით გაამდიდრა საქართველოს ისტორია. ფილოლოგიურ მეცნიერებათა დოქტორი, პროფესორი. 

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.254  

• ღირსების ორდენი
  აფხაზეთის თემაზე მეცნიერული ნაშრომისათვის

• აფხაზეთის მეფეები და მთავრები (ავტორი). - თბილისი, აფხაზეთის მეცნ. აკადემია, 1997. - 68გვ.
• აფხაზური სეპარატიზმის სისხლიან ნაკვალევზე (ავტორი). - თბილისი, ჯისიაი, 1994. - 112გვ.
• დასავლეთ საქართველოს ქართველ მთიელთა ეთნოგენეზის, განსახლებისა და კულტურის ისტორიიდან (ავტორი). - თბილისი, თბილ. უნ-ტის გამ-ბა, 1989. - 375გვ.