ირაკლი მიქელაძე

დაბადების ადგილი: ქ. ერევანი (სომხეთი).

დაამთავრა თბილისის სახელმწიფო უნივერსიტეტის სოციალურ-ეკონომიკური ფაკაულტეტი 1925 წ.

1926-1927წწ. ამიერკავკასიის საშინაო ვაჭრობის სახალხო კომისარიატის მთავარი ეკონომისტია; 1928წ. - საქართველოს ცენტრალური სტატისტიკური სამმართველოს მთავარი ეკონომისტი; 1929წ. - სასაქონლო ბირჟის მთავარი ეკონომისტი; 1929-1954წწ. საქართველოს სახელმწიფო საგეგმო კომიტეტის განყოფილების გამგე; 1930-1960წწ. თბილისის სახელმწიფო უნივერსიტეტის კათედრის გამგე და ფაკულტეტის დეკანი; 1936-1970წწ. ხელმძღვანელობდა თბილისის სახელმწიფო უნივერსიტეტის ეკონომიკური ფაკულტეტის სოციალისტური დაგეგმვისა და დარგობრივი ეკონომიკის კათედრას. მისი სამეცნიერო კვლევის ძირითადი სფეროა მრეწველობის ეკონომიკა. დიდი ღვაწლი მიუძღვის რესპუბლიკის სახალხო მეურნეობის დაგეგმვის თეორიული და პრაქტიკული საკითხების დამუშავებაში. ძირითადი შრომები ეძღვნება საქართველოს სსრ სახალხო მეურნეობის სპეციალიზაციასა და კომპლექსურ განვითარებას.

• საქართველოს მეცნიერებათა აკადემია, აკადემიკოსი (1969-)

• 1982 - ხალხთა მეგობრობის ორდენი
• 1972 - საქართველოს სახელმწიფო პრემია
• 1971 - შრომის წითელი დროშის ორდენი
• 1966 - საპატიო ნიშნის ორდენი
• 1962 - საქართველოს მეცნიერებათა დამსახურებული მოღვაწე
• 1946 - საპატიო ნიშნის ორდენი

• ტერიტორიული დაგეგმვის პრობლემები (ავტორი). - თბილისი, მეცნიერება, 1980. - 287გვ.
• საქართველოს სოციალისტური მრეწველობის ეკონომიკის საკითხები (ავტორი). - თბილისი, თბილ. უნ-ტის გამ-ბა, 1976. - 309გვ.
• საბჭოთა საქართველოს ეკონომიკა (ავტორი). - თბილისი, ცოდნა, 1975. - 32გვ.
• საქართველოს სახალხო მეურნეობა და თბილისის სახელმწიფო უნივერსიტეტი (ავტორი). - თბილისი, თბილ. უნ-ტის გამ-ბა, 1968. - 91გვ.