იური მოსიძე

დაბადების ადგილი: ქ. თბილისი.

დაამთავრა თბილისის სახელმწიფო უცხო ენათა ინსტიტუტი გერმანული და ფრანგული ენების სპეციალობით 1963 წელს.

გაიარა გზა ლაბორანტიდან ინსტიტუტის რექტორობამდე. 1971-1973წწ. მუშაობდა ქ. იენის უნივერსიტეტში; 1976-1995წწ. ხელმძღვანელობდა გერმანული ენის კათედრას თბილისის უცხო ენათა ინსტიტუტში; 1995-2005წწ. თბილისის ი. ჭავჭავაძის სახელობის ენისა და კულტურის სახელმწიფო უნივერსიტეტის რექტორი; 2004 წლიდან თბილისის სასულიერო აკადემიის უცხო ენების კათედრის გამგე, პროფესორი; მონაწილეობდა საერთაშორისო სიმპოზიუმებსა და კონფერენციებში. არის საერთაშორისო ლიტერატურული პროცესების შემსწავლელი ინსტიტუტის - JNST პროფესორი(ქ. ვენა).

საკანდიდატო დისერტაციის თემა - "ფრანგული ნასესხობანი გერმანულში", დაიცვა 1969 წელს; სადოქტორო დისერტაციის თემა - "სივრცობრივ-სემანტიკურ სეგმენტთა მოდელები "ვეფხისტყაოსნის" გერმანულ თარგმანებში", დაიცვა 1986 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 240; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.265

• 1998 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი პირადი დიდი წვლილისათვის, ნაყოფიერი პედაგოგიური და საზოგადოებრივი მოღვაწეობისათვის

• სივრცობრივ სემანტიკურ სეგმენტთა მოდელები და მათი შესატყვისობანი "ვეფხისტყაოსნის" გერმანულ თარგმანებში (ავტორი). - თბილისი, თბილისის უნ-ტის გამ-ბა, 1986. - 319გვ.