ჰამლეტ მოსულიშვილი

დაბადების ადგილი: სიღნაღის რაიონი, სოფელი ქვემო მაჩხაანი.

დაამთავრა საქართველოს ს.მ. კიროვის სახელობის პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1954 წელს.

1954-1957წწ. იყო ყაბარდო-ბალყარეთის საპროექტო ორგანიზაციაში უფროსი არქიტექტორი, შემდეგ პროექტის მთავარი ინჟენერი; 1957-1968წწ. ქ. ნალჩიკის მთავარი არქიტექტორი. 1968-1970წწ.  ყაბარდო-ბალყარეთის ავტონომიური რესპუბლიკის სახმშენის ხელმძღვანელი; 1959-1970წწ. ყაბარდო-ბალყარეთის სახელმწიფო უნივერსიტეტის ჯერ უფროსი მასწავლებელი, შემდეგ დოცენტი; 1965-1967წწ. სსრკ არქიტექტორთა კავშირის ავტონომიური რესპუბლიკის განყოფილების თავჯდომარე; 1970-1992წწ. საქართველოს პოლიტექნიკური ინსტიტუტის არქიტექტურის ფაკულტეტის დოცენტი; 1993-2006წწ. პროფესორი; 2009 წლიდან დღემდე საქართველოს ტექნიკური უნივერსიტეტის არქიტექტურის ფაკულტეტის სამოქალაქო და სამრეწველო შენობა-ნაგებობათა არქიტექტურული კონსტრუქციები და არქიტექტურული ფიზიკის ფაკულტეტის სრული პროფესორი. არის ავტორი მრავალი რეალიზებული არქიტექტურული პროექტებისა, მათ შორის: 115 ბინიანი საცხოვრებელი სახლი, საზაფხულო თეატრი 3000 მაყურებელზე, რესტორანი ტბის პირას 800 ადგილზე, კაფე-რესტორანი 100 დგილზე, სანატორიუმი 150 ადგილზე (ყველა ქ. ნალჩიკში); აგრარული   ინსტიტუტი (თბილისი, თანაავტორი), 120 ბინიანი საცხოვრებელი სახლი ქ. ბათუმში, და სხვა. ავტორია  9 მონოგრაფიის, 33 სტატიის; მონაწილეა საერთაშორისო, რესპუბლიკური და ადგილობრივი კონფერენციების. არქიტექტურის მეცნიერებათა დოქტორი 1991 წლიდან. 

• აზერბაიჯანის არქიტექტურისა და მშენებლობის უნივერსიტეტის სამეცნიერო წოდებათა მინიჭების საბჭო, წევრი
• აღმოსავლეთის ქვეყნების არქიტექტურის საერთაშორისო აკადემია, აკადემიკოსი (1994-)

• ქართული ხუროთმოძღვრული ძეგლების სტრუქტურა (ავტორი). - თბილისი, არქიტექტორთა კლუბი, 2012. - 145გვ.
• არქიტექტურული ინფორმატიკა : მოკლე კურსი (ავტორი). - თბილისი, ტექნ. უნ-ტი, 2000. - 94გვ.. - ISBN: 99928-78-49-5
• არქიტექტურული გრაფიკის საწყისები : დამხმ. სახელმძღვ. (ავტორი). - თბილისი, ტექნ. უნ-ტის გამ-ბა, 1997. - 80გვ.
• არქიტექტურული კიბერნეტიკის შესავალი (ავტორი). - თბილისი, 1989. - 126გვ.
• ქართული ძეგლის სტრუქტურა : IV-XIII სს. გუმბათოვანი არქიტექტურა (ავტორი). - თბილისი, საბჭ.საქართველო, 1983. - 145გვ.