ქეთევან ნემსაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო უნივერსიტეტის პედიატრიული ფაკულტეტი 1973 წელს.

1994-1999წწ. - საქართველოს ჯანმრთელობის სამინისტროს მთავარი პედიატრი; 1996-2011წწ. - მსოფლიო ბანკის ჯანმრთელობის პროექტის "ჯანმრთელი ბავშვი და უსაფრთხო დედობა", თანაკოორდინატორი; 2002-2005წწ. - გაეროს ბავშვთა ფონდი რეგიონალური ქსელი ბავშვებისათვის ცენტრალურ და აღმოსავლეთ ევროპის, დსთ-სა და ბალტიის ქვეყნებში (NGO/UNICEF Regional Network for Children of CEE/CIS and Baltic States), ორი ვადით არჩეული პრეზიდენტი; 1996-2007წწ. - მ. გურამიშვილის სახელობის პედიატრიული კლინიკის გენერალური დირექტორი; 2007-2010წწ. - მ. იაშვილის სახელობის ბავშვთა ცენტრალური კლინიკის დირექტორი; 2010-2014წწ. - მიხეილ გურამიშვილის სახელობის პედიატრიული კლინიკის სამედიცინო დირექტორი; 2014 წლიდან - გლობალმედის პედიატრიული კლინიკის ხელმძღვანელი. მიღებული აქვს მონაწილეობა 50-ზე მეტ საერთაშორისო კონფერენციაზე, რომელთა დიდ ნაწილში იყო მოწვეული სპიკერი ან საორგანიზაციო კომიტეტის წევრი. არის 100-ზე მეტი სამეცნიერო ნაშრომისა და 30-ზე მეტი სახელმძღვანელოს ავტორი და რედაქტორი, ასევე 2 გამოგონების ავტორი. მიღებული აქვს  ჯილდო "ესკულაპი", წლის საუკეთესო ექიმი (2006), საპატიო ჯილდო "ოქროს ფონენდოსკოპი" (საქართველოს ნეონატოლოგთა ასოციაცია, 2018). ექიმი-პედიატრი, მედიცინის მეცნიერებათა დოქტორი (1993), პროფესორი (1997).  

საკანდიდატო დისერტაციის თემა - "უჯრედული და ჰემორული იმუნიტეტის მდგომარეობა ახალშობილთა სტაფილოკოკური სეფსისის დროს", დაიცვა 1982 წელს; სადოქტორო დისერტაციის თემა - "ახალშობილი და ჩვილი ასაკის სეფსისით შეპყრობილ ბავშვთა საცნაურსაყოფი კრიტერიუმები და მკურნალობის ინტენსიფიკაცია", დაიცვა 1993 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ. - 2000.- გვ.223; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.356; საქართველოს მეცნიერებათა ეროვნული აკადემია: science.org.ge

• "მსოფლიო სამიტი ბავშვებისათვის"(ნიუ-იორკი) საორგანიზაციო კომიტეტი, წევრი (2001-2002)
• პედიატრთა აკადემია, ვიცე პრეზიდენტი
• პედიატრთა და ოჯახის ექიმთა ასოციაცია "კლარიტასი XXI"-ის საბჭო, წევრი
• საქართველოს მეცნიერებათა ეროვნული აკადემია, წევრ-კორესპონდენტი (2009-)
• ძუძუთი კვების აკადემია (აშშ), საპატიო წევრი

• მშობელთა წიგნი : სახელმძღვანელო მშობელთათვის და ჯანდაცვის პირვლადი რგოლის მუშაკებისათვის (თანაავტორი). - თბილისი, 2015. - 100გვ.
• ნეონატოლოგია : სახელმძღვ. ექიმების, რეზიდენტებისა და სამედ. უნ-ტის სტუდ. (ავტორი). - თბილისი, 2010. - 250გვ.. - ISBN: 978-9941-0-2776-5
• 0-5 წლამდე ასაკის ბავშვთა უხშირეს დაავადებათა მართვა : სახელმძღვანელო (თანაავტორი). - თბილისი, 2000. - 84გვ.
• ბავშვის ჯანსაღი კვება (რედაქტორი). - თბილისი, 2000. - 44გვ.
• როგორ ვკვებოთ ჩვენი პატარა (რედაქტორი). - თბილისი. - 48გვ.