იოსებ ნონეშვილი

დაბადების ადგილი: სოფელი კარდენახი, გურჯაანის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1942 წელს.

მეორე მსოფლიო ომის დროს, 1943-1945 წწ. იბრძოდა ავკასიის ფრონტზე; 1947-1950 წწ. იყო ჟურნალ "ნიანგის" რედაქტორის მოადგილე; 1952-1963 წწ. რედაქტორობდა ჟურნალ "დილას", ხოლო 1963-1966 წწ. იყო გაზეთ "ლიტერატურული საქართველოს" მთავარი რედაქტორი; პირველი ლექსი გამოაქვეყნა 1938 წელს. ჟურნალ "ჩვენს თაობაში"; 1940 წელს გამოსცა პირველი პოეტური კრებული. მისი ლექსის დამახასიათებელი თვისებაა პოეტური ემოციურობა, ექსპრესიულობა, მხატვრულ სახეთა სისადავე. ნონეშვილის შემოქმედებაში ჭარბობს სატრფიალო ლირიკა, რომლის საუკეთესო ნიმუშებია: "საუბარი ნაძვებთან", "ფრთხილად იყავი", "შენ საქართველოს დედოფლობა დაგმშვენდებოდა" და სხვა. ნონეშვილის პოეზიაში განსაკუთრებული ადგილი უკავია პატრიოტიზმისა და ხალხთა მეგობრობის თემებს: "ჩუქურთმის მჭრელის ეპიტაფია", "შემოდგომა თბილისში", "ელადის ყვავილები" და ა.შ. მასვე ეკუთვნის პოეტური ციკლები სომხეთზე, ყაზახეთზე და სხვა. პოეტის ბევრი ლექსი სიმღერად გავრცელდა. მისი ნაწარმოებები თარგმნილია მსოფლიოს სხვადასხვა ენაზე.

წყარო: ქართული საბჭოთა ენციკლოპედია: ტ.7.-თბ.,1984.-გვ.469; მამულიშვილთა სავანე/ ზ. ბაბუნაშვილი, თ. ნოზაძე.-თბ.,1994.-გვ.293

• მშვიდობის დაცვის საქართველოს რესპუბლიკის კომიტეტი, თავმჯდომარე (1973-)
• საქართველოს მწერალთა კავშირი, მდივანი (1966-1980)

• 1981 - შოთა რუსთაველის სახელობის სახელმწიფო პრემია
• გალაკტიონ ტაბიძის სახელობის პრემია , წლის საუკეთესო ნაწარმოებისათვის

• თუ დედა ენით არ ხარ გაზრდილი : ლექსები (ავტორი). - თბილისი, "საქართველოს მაცნეს" სტ, 2008. - 360გვ.. - ISBN: 978-9941-0-0639-5
• დედაო საქართველოვ : კრებული (ავტორი). - თბილისი, ფავორიტი, 2000. - 320გვ.
• რამ დაგვავიწყოს : ლექსები (ავტორი). - თბილისი, ნაკადული, 1989. - 94გვ.
• ყვავილების მეჯლისი : ლექსები (ავტორი). - თბილისი, ნაკადული, 1987. - 95გვ.
• ლირიკა (ავტორი). - თბილისი, საბჭ. საქართველო, 1961. - 270გვ.