თინათინ ოჩიაური

დაბადების ადგილი: სოფელი ახიელი, დუშეთის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს.

დაიბადა ეთნოგრაფ ალექსი ოჩიაურის ოჯახში; სამეცნიერო მოღვაწეობა ქართული ეთნოლოგიური მეცნიერების  ფუძემდებლების გიორგი ჩიტაიასა და ვერა ბარდაველიძის გვერდით დაიწყო; მეცნიერი  ძირითადად ქართველ მთიელთა სულიერი კულტურის საკითხებზე მუშაობდა და წლების მანძილზე ხელმძღვანელობდა ივანე ჯავახიშვილის სახელობის ისტორიისა და ეთნოლოგიის ინსტიტუტის საქართველოს სულიერი კულტურის ეთნოლოგიური კვლევის განყოფილებას. იგი რამდენიმე მონოგრაფიის, სამეცნიერო-პოპულარული წიგნის და ასამდე სამეცნიერო სტატიის ავტორია; მან პირველმა შეისწვლა საქართველოში რჩეულობის ინსტიტუტი ხევსურული ქადაგობის მაგალითზე; მანვე ერთ-ერთმა პირველმა, საქართველოში მითოლოგიური გადმოცემები ისტორიული მიდგომით გამოიკვლია; მისი ხელმძღვანელობით მრავალი ეთნოლოგი გაიზარდა; თ. ოჩიაურის დიდი დამსახურებაა ივ. ჯავახიშვილის ისტორიისა და ეთნოლოგიის ინსტიტუტის არქივში დაცული ფშავ-ხევსურული საარქივო მასალების გამოცემა. ისტორიის მეცნიერებათა კანდიდატი (1950), ისტორიის მეცნიერებათა დოქტორი (1969).

საკანდიდატო დისერტაციის თემა - " ქართველთა უძველესი სარწმუნოების ისტორიიდან, ქადაგობა ხევსურეთში", დაიცვა 1950 წელს (წიგნად გამოიცა 1954 წელს); 

სადოქტორო დისერტაციის თემა - "მითოლოგიური გადმოცემები აღმოსავლეთ საქართველოში", დაიცვა 1969 წელს.

• ქადაგობა ხევსურეთში (ავტორი). - თბილისი, საქ. ეთნოგრ. მემკვიდრეობის დაცვის ფონდი, 2010. - 150გვ.. - ISBN: 978-9941-0-2878-6
• ვერა ბარდაველიძე : ცხოვრება და მოღვაწეობა (თანაავტორი). - თბილისი, მეცნიერება, 1988. - 56გვ.
• დაკრძალვის წესები ქართლში ძველად და ახლა (ავტორი). - თბილისი, მეცნიერება, 1987. - 65გვ.
• ხევსურეთი და ხევსურები : ნარკვევი (ავტორი). - თბილისი, საბჭ. საქართველო, 1977. - 135გვ.
• მითოლოგიური გადმოცემები აღმოსავლეთ საქართველოს მთიანეთში (ავტორი). - თბილისი, მეცნიერება, 1967. - 197გვ.
• ხევსურეთში : ეთნოგრ. ნარკვევი (ავტორი). - თბილისი, საბჭ. საქართველო, 1964. - 48გვ.
• სტუმრად თუშეთში (ავტორი). - თბილისი, ნაკადული, 1961. - 63გვ.
• ქართველთა უძველესი სარწმუნოების ისტორიიდან (ავტორი). - თბილისი, საქ. სსრ მეცნ. აკად. გამ-ბა და სტ., 1954. - 146გვ.
• ქართველთა ძველი სარწმუნოების გადმონაშთები და მათი რეაქციული არსი : თბილისში წაკითხული ლექციის სტენოგრამა (ავტორი). - თბილისი, 1954. - 28გვ.