თედო ჟორდანია

დაბადების ადგილი: სოფელი მოქვი, ოჩამჩირის რაიონი.

დაამთავრა თბილისის სასულიერო სემინარია 1875 წელს, 1889 წელს - მოსკოვის სასულიერო აკადემია.

მუშაობდა თბილისის სასულიერო სასწავლებლის პედაგოგად, შემდეგ საეკლესიო მუზეუმის გამგედ, გურია-სამეგრელოს ეპარქიის სამრევლო სკოლების მეთვალყურედ, სამრევლო სკოლების მასწავლებელთა კურსების ინსპექტორად და სხვ.

დიდი ღვაწლი მიუძღვის პირველწყაროთა გამოვლენასა და კრიტიკულ შესწავლაში. მან შემოიტანა სამეცნიერო მიმოქცევაში XIV საუკუნის უმნიშვნელოვანესი ძეგლი, ქსნის ერისთავთა საგვარეულო მატიანე "ძეგლი ერისთავთა". დიდი მუშაობა გასწია "ქართლის ცხოვრების" შედგენილობისა და ავტორების ვინაობის დასადგენად. განსაკუთრებით აღსანიშნავია მისი "ქრონიკები და სხვა მასალა საქართვეელოს ისტორიისა და მწერლობისა". ამ მონუმენტურ ნაშრომში შესულია მის მიერ საქართველოს სხვადასხვა კუთხეში მრავალგზის მოგზაურობის დროს შეკრებილი დიდძალი მასალა ქრონოლოგიური პრინციპით დალაგებული, კომენტარებითა და კრიტიკული შენიშვნებით.

წყარო: მამულიშვილთა სავანე. - თბ., 1994. - გვ.303

• საეკლესიო სიძველეთა საცავის მზრუნველი კომიტეტი, წევრი (1899-)
• საეკლესიო-საარქეოლოგიო საბჭო, წევრი (1889-)
• საქართველოს საისტორიო და საეთნოგრაფიო საზოგადოება, წევრი (1907-)
• ქართველთა შორის წერა-კითხვის გამავრცელებელი საზოგადოება, წევრი (1880-)

• თხზულებათა კრებული (ავტორი). - თბილისი, არტანუჯი, 2011. - 490გვ.. - ISBN: 978-9941-421-27-3
• ქრონიკები (ავტორი). - თბილისი, 2004. - 384გვ.
• ქართლ-კახეთის მონასტრების და ეკლესიების ისტორიული საბუთები (ავტორი). - ფოთი, ლ. ტუღუშის სტ., 1903. - 272გვ.
• ისტორიული საბუთები შიო-მღვიმის მონასტრისა და "ძეგლი" ვაჰხანის ქვაბთა (ავტორი). - თბილისი, ე.ი. ხელაძის სტ., 1896. - 90გვ.
• ქრონიკები და სხვა მასალა საქართველოს ისტორიისა (ავტორი). - ტფილისი, მ. შარაძის სტ., 1892. - 346გვ.
• ქართული გრამმატიკა : ეტიმოლოგია და სინტაქსი (ავტორი). - ტფილისი, ე. ხელაძის სტ., 1889. - 174გვ.