გიორგი ჟუჟუნაშვილი

დაამთავრა თბილისის სახელმწიფო უნივერსიტეტის ისტორიის ფაკულტეტი 1991 წელს; ასპირანტურის სრული კურსი საქართველოს ისტორიის წყაროთმცოდნეობისა და ისტორიოგრაფიის სპეციალობით 1997 წელს.

1995 წლიდან რუსეთის ისტორიის კათედრის უფროსი მასწავლებელი, შემდეგ დოცენტი; 1999-2003წწ. მას იგივე თანამდებობები ეკავა თბილისის სახელმწიფო უნივერსიტეტის ახალციხის ფილიალში; რომლის ერთ-ერთი დამფუძნებელიც გახლდათ. 2006 წლიდან ჰუმანიტარულ მეცნიერებათა ფაკულტეტის ჯერ ასისტენტ-პროფესორი, შემდგომ ასოცირებული პროფესორი; ამავე დროს, ფაკულტეტის რესურსების მართვის სამსახურის უფროსი. ავტორია 60 ნაშრომისა და რამდენიმე მონოგრაფიის. მისი კვლევის სფერო კავკასიაში რუსეთის იმპერიის კოლონიური პოლიტიკა წარმოადგენდა.

საკანდიდატო დისერტაციის თემა - "XV-XVIII საუკუნეების რუსეთის საარქივო მასალები, როგორც საქართველოს ისტორიის წყარო", დაიცვა 1997 წელს.

წყარო: თბილისის სახელმწიფო უნივერსიტეტი: tsu.ge

• მასალები სალექციო კურსისთვის: "რუსეთ-საქართველოს ურთიერთობა მეათე საუკუნიდან 1810 წლამდე" : დამხმარე სახელმძღვანელო (ავტორი). - თბილისი, 2015. - 266გვ.. - ISBN: 9789941134623
• საისტორიო ეტიუდები : ნაშრომების კრებული (ავტორი). - თბილისი, უნივერსალი, 2012. - 206გვ.. - ISBN: 978-9941-17-713-2
• სამხრეთ და დასავლეთ სლავების ისტორია, 1918-2005 : სალექციო კურსი (ავტორი). - თბილისი, უნივერსალი, 2010. - 108გვ.. - ISBN: 978-9941-12-999-5
• საქართველო-რუსეთის ურთიერთობის ისტორიიდან : XVI-XVII საუკუნეები (ავტორი). - თბილისი, უნივერსალი, 2006. - 100გვ.. - ISBN: 99940-61-47-X
• უცხოელ ელჩთა მიღების წესები XVI-XVII საუკუნეების ქართულ სამეფო-სამთავროებში (ავტორი). - თბილისი, მერიდიანი, 1996. - 28გვ.