გუსტავ რადე

დაბადების ადგილი: ქ. დანციგი, პრუსია (ახლანდელი გდანსკი, პოლონეთი).

დაამთავრა დანციგის პეტრე-პავლეს რეალური გიმნაზია.

ბავშვობა პრუსიაში გაატარა. მუშაობდა პროვიზორის თანაშემწედ დანციგის ერთ-ერთ აფთიაქში; 1852 წლიდან ცხოვრობდა  რუსეთში; 1863 წელს ჩამოვიდა თბილისში, სადაც სიცოცხლის ბოლომდე დარჩა; თავდაპირველად იგი ობსერვატორიის თანამშრომელი იყო, ხოლო 1864 წლიდან რუსეთის მეფისნაცვლის დავალებით შეუდგა კავკასიის კვლევას. ბოტანიკური და ზოოლოგიური კვლევები ჩაატარა ამიერკავკასიის ყველა ნაწილში, ასევე ჩრდილოეთ კავკასიასა და კასპიის ზღვის რეგიონებში; 1867 წელს მისი უშუალო მონაწილეობით ხელმეორედ გაიხსნა კავკასიის მუზეუმი (1852 წელს დაარსდა თბილისში მწერალ ვ. სოლაგუბის ინიციატივით, დაიხურა 1864 წელს). ეს იყო პირველი ეთნოგრაფიული მუზეუმი რუსეთის იმპერიაში; გ. რადე სიცოცხლის ბოლომდე ხელმძღვანელობდა ეთნოგრაფიულ მუზეუმს და ტფილისის საჯარო ბიბლიოთეკას (1868-1903), რომლებიც მეცნიერებისა და კულტურის ერთ-ერთ კერა იყო საქართველოსა და ამიერკავკასიაში. მან ხელი შეუწყო თბილისის ჩამოყალიბებას კავკასიის სამეცნიერო ცენტრად. დიდია გ. რადეს  დამსახურება კავკასიის ფიზიკურ-გეოგრაფიული აღმოჩენების სფეროში. მიღებული აქვს: "დემიდოვის პრემია", "დედოფალ ვიქტორიას ოქროს მედალი", "კონსტანტინეს მედალი". ბუნებისმეტყველი, მოგზაური, გეოგრაფი, ნატურალისტი და ეთნოგრაფი.

წყარო: 100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ. 231; საქართველოს პარლამენტის ეროვნული ბიბლიოთეკა : ბიბლიოთეკის დირექტორები - გუსტავ რადე : nplg.gov.ge

• პეტერბურგის მეცნიერებათა აკადემია, წევრ-კორესპოდენტი