ანდრია რაზმაძე

დაბადების ადგილი: სოფოლი ჩხენიში, სამტრედიის მუნიციპალიტეტი.

დაამთვრა მოსკოვის უნივერსიტეტი 1910 წელს.

1914 წელს ევროპაში სამეცნიერო მივლინების დროს კავშირი დაამყარა იქაურ მეცნიერებთან და ცნობილ გერამანულ ჟურნალში "Mathematische Annalen" გამოაქვეყნა პირველი შრომა. იყო მოსკოვის უნივერსიტეტის პრივატ–დოცენტი, თბილისის სახელმწიფო უნივერსიტეტის სამათემატიკო–საბუნებისმეტყველო ფაკულტეტის პირველი დეკანი. სწორედ მან შეადგინა მისი სასწავლო გეგმა და მათემატიკურ დისციპლინათა პროგრამები, პირველმა წაიკითხა ქართულ ენაზე მათემატიკის, აგრეთვე მექანიკისა და ფიზიკის ძირითადი კურსი, ქართულ ენაზე დაწერა პირველი საუნივერსიტეტო სახელმძღვანელოები მათემატიკაში, საფუძველი ჩაუყარა ქართულ მათემატიკურ ტერმინოლოგიას. ეწეოდა კვლევით მუშაობას მათემატიკური ანალიზის რთულსა და დამამთავრებელ დარგში – ვარიაციათა აღრიცხვაში. 1925 წელს პარიზში დაცულ სადოქტორო დისერტაციაში მან პირველმა გამოიკვლია ვარიაციათა აღრიცხვის ამოცანები წყვეტილ წირთა კლასში, რითაც საფუძველი ჩაუყარა ვარიაციათა აღრიცხვის ახალ მიმართულებას. 

წყარო: ქართული საბჭოთა ენციკლოპედია: ტ.8.-თბ., 1984.-გვ.290-291

• ქართული სალიტერატურო ნორმების დამდგენი კომისია, წევრი

• ინტეგრალური აღრიცხვის კურსი : განსაზღვრული ინტეგრალები (ავტორი) // ნაწ. 2. - თბილისი, თბილ. უნ-ტის გამ-ბა, 2004. - 279გვ.
• რიცხვთა თეორია (ავტორი). - თბილისი, თბილ. უნ-ტის გამ-ბა, 1992. - 84გვ.
• ინტეგრალური აღრიცხვის კურსი : განუსაზღვრელი ინტეგრალები (ავტორი) // ნაწ. 1. - თბილისი, თბილ. უნ-ტის გამ-ბა, 1956. - 268გვ.
• რჩეული შრომები (ავტორი). - თბილისი, საქ. სსრ აკად. გამ-ბა, 1952. - 174გვ.
• ვარიაციათა აღრიცხვა : სახელმძღვ. უმაღლ. სასწ. (ავტორი). - ტფილისი, სახელგამის სასწ. პედაგ. სექტორის გა-მა, 1933. - 162გვ.
• მათემატიკური ანალიზის კურსი : შესავალი (ავტორი) // ტ.1. - ტფილისი, ტფილისის უნივერსიტეტის გამოცემა, 1920. - 172გვ.