ირმა რატიანი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი 1989 წელს. 1989-1992 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტის ასპირანტურაში ლიტერატურის თეორიის სპეციალობით.

2004 -2006წწ. იყო შოთა რუსთაველის სახელობის ქართული ლიტერატურის ინსტიტუტის ლიტერატურის თეორიის განყოფილების ხელმძღვანელი, ხოლო 2006 წლიდან - ამ ინსტიტუტის დირექტორი, თბილისის სახელმწიფო უნივერსიტეტის  ჰუმანიტარული ფაკულტეტის ზოგადი და შედარებითი ლიტერატურათმცოდნეობის მიმართულების ხელმძღვანელი და სრული პროფესორი. 1997-1998 და 2002 წელს მიიღო JSPS (მეცნიერების მხარდამჭერი იაპონური საზოგადოება) სტიპენდია, მუშაობდა ოსაკის სახელმწიფო უნივერსიტეტის ენებისა და კულტურის ფაკულტეტზე. 2005 წელს, აშშ სახელმწიფო დეპარტამენტის საგანმანათლებლო და კულტურულ ურთიერთობათა ბიუროს უნივერსიტეტთა პარტნიორობის საგრანტო პროგრამის ფარგლებში, სამეცნიერო სტაჟირებით იმყოფებოდა აშშ ცენტრალური აზია-აფრიკის ინსტიტუტში ჯონს ჰოპკინზის უნივერსიტეტისა და წმინდა იოანეს კოლეჯში. 2006 წელს მიიღო DAAD-ის სტიპენდია და მუშაობდა გერმანიის საარლადნის უნივერსიტეტის ზოგადი და შედარებითი ლიტერატურათმცოდნეობის დეპარტამენტში. 2010 წელს მიიღო კემბრიჯის უნივერსიტეტის სტიპენდია. მონაწილეობდა საერთაშორისო სამეცნიერო კონფერენციებში საქართველოში, ეგვიპტეში, თურქეთში, გერმანიაში, იტალიაში, ჩეხეთში, ესპანეთში, შოტლანდიაში, იორდანიაში, ისრაელში, საბერძნეთში, რუსეთში. 2006 წლიდან არის საერთაშორისო სიმპოზიუმის - "ლიტერატურათმცოდნეობის თანამედროვე პრობლემები" ორგანიზატორი. არის არაერთი ლოკალური და საერთაშორისო საგრანტო პროექტის ხელმძღვანელი და მონაწილე, მრავალი სამეცნიერო წიგნისა და კრებულის რედაქტორი. ავტორია 80-ზე მეტი გამოქვეყნებული ნაშრომისა. 2008 წელს გამოქვეყნდა იაპონურიდან ქართულ ენაზე ნათარგმნი 100 უძველესი ლექსი. ფილოლოგიის მეცნიერებათა კანდიდატი (1994), ფილოლოგიის მეცნიერებათა დოქტორი (2003), პროფესორი (2004), თბილისის სახელმწიფო უნივერსიტეტის სრული პროფესორი (2006). ყოველწლიური ლიტერატურულ-თეორიული სამეცნიერო ჟურნალების - "სჯანი" და "ლიტინფო" მთავარი რედაქტორი. 

წყარო: irmaratiani.ge

• კომპარატივისტული ლიტერატურის ევროპული ასოციაცია, წევრი (2009-)
• კომპარატივისტული ლიტერატურის საერთაშორისო ასოციაცია, წევრი (2006-)
• კომპარატივისტული ლიტერატურის ქართული ასოციაცი, პრეზიდენტი (2008-2013)

• 2019 - პრემია "საგურამო"

• ილია ჭავჭავაძე 170 = Ilia Chavchavadze 170 : საიუბილეო კრებული (რედაქტორი). - თბილისი, 2007. - 376გვ.
• ჟანრის თეორია ფორმირებისა და განვითარების ეტაპები : ლექციები ლიტერატურის თეორიაში (ავტორი). - თბილისი, უნივერსალი, 2007. - 58გვ.
• ქრონოტოპი ილია ჭავჭავაძის პროზაში : ხუთი თხზულების ანალიზი (ავტორი). - თბილისი, უნივერსალი, 2006. - 183გვ.
• ქრონოტოპი ანტიუტოპიურ რომანში : ესქატოლოგიური ანტიუტოპიის ინტერპრეტაციისათვის (ავტორი). - თბილისი, თბილ. უნ-ტის გამ-ბა, 2005. - 288გვ.