დონალდ (პატრიკ) რეიფილდი

დაბადების ადგილი: ოქსფორდი, გაერთიანებული სამეფო.

ინგლისელი ქართველოლოგი. ლონდონის უნივერსიტეტის (დედოფალ მერის და უესტფილდის კოლეჯი) პროფესორი. ძირითად სპეციალობასთან ერთად (რუსული და ქართული ლიტერატურა) მნიშვნელოვანი გამოკვლევები აქვს ენათმეცნიერებაშიც: შეკრებილი და შესწავლილი აქვს დენდრონიმთა ქართველურ-კავკასიური სახელწოდებები; ანალოგიური გამოკვლევა ეკუთვნის ორნითოლოგიაში; შეისწავლა მეცხვარეობის ქართველურ-კავკასიური ტერმინილოგია, ხალხური მედიცინისა და სამკურნალო მცენარეთა სახელწოდებები; დაბეჭდა სტატიები ქართული ლიტერატურის მხატვრული თარგმანის პრობლემების, ქართული პოეტური ფოლკლორის შესახებ (რუსულ ფოლკლორთან მიმართებით) და სხვ. უკანასკნელ წლებში ეწევა ინტენსიურ ლექსიკოგრაფიულ მუშაობას. იგი მთავარი რედაქტორია ორტომიანი ქართულ-ინგლისური ლექსიკონისა (2006). კვლევით მუშაობასთან ერთად, ნაყოფიერად თარგმნის ქართულ ლიტერატურას. თარგმნილი და გამოქვეყნებული აქვს ვაჟა-ფშაველას სამი პოემა ("ალუდა ქეთელაური", სტუმარ-მასპინძელი", "გველის მჭამელი"), ილია ჭავჭავაძის "მეფე დიმიტრი თავდადებული", გ. ტაბიძის რჩეული ლექსები, ტ. ტაბიძის ზოგიერთი ლექსი და ხალხური პოეზიის ნიმუშები ("ლექსი ვეფხისა და მოყმისა"). თარგმნა აგრეთვე ა. წერეთლის "ჩემი თავგადასავალი".

წყარო: ქართული ენა: ენციკლოპედია. - თბ. 2008. - გვ.391

• საქართველო იმპერიათა გზაჯვარედინი: სამიათასწლოვანი ისტორია (ავტორი). - თბილისი, პალიტრა L, 2019. - 676გვ. . - ISBN: 9789941296390
• ჩემი თავგადასავალი = The story of my life/აკაკი წერეთელი (მთარგმნელი). - თბილისი, ილიას სახელმწ. უნ-ტი, 2012. - 155გვ.. - ISBN: 9789941181030
• Three poems/Vazha-Pshavela (მთარგმნელი). - Tbilisi, Ganatleba, 1981. - 127p.
• ათი ლექსი/გალაკტიონ ტაბიძე (მთარგმნელი). - თბილისი, განათლება, 1975. - 50გვ.