ზურა რთველიაშვილი

დაბადეების ადგილი: ქ. ყარაღანდა, ყაზახეთი.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის სამართალმცოდნეობის ფაკულტეტი. 1987-1990 წლებში მონაწილეობდა ეროვნულ მოძრაობაში; 1990-იან წლებში გამოდიოდა პოეტური პერფორმანსებით; მონაწილეობდა 2003 წელს "ვარდების რევოლუციის" პერიოდის საპროტესტო გამოსვლებში; 2005 წლიდან გამოდიოდა ერთიანი ნაციონალური მოძრაობის მთავრობის კრიტიკით; იყო არასამთავრობო ორგანიზაცია "თანასწორობის ინსტიტუტის" ერთ-ერთი ლიდერი; 2010-2020 წწ. პოლიტიკური დევნილის სტატუსით ცხოვრობდა შვედეთში; გამოქვეყნებული ჰქონდა რამდენიმე პოეტური კრებული; მონაწილეობდა პოეტურ პერფორმანსებში საქართველოსა და ევროპის ქვეყნებში. მისი ლექსები თარგმნილია ინგლისურ, გერმანულ, ფრანგულ, ნორვეგიულ, ჰოლანდიურ, უკრაინულ, რუსულ, სპარსულ, აზერბაიჯანულ და ბენგალურ ენებზე. შესრულებული აქვს როლები ფილმებში, მათ შორის მთავარი როლი გერმანელი რეჟისორის ჯულიან რადლმაიერის მხატვრულ ფილმებში "მოლანდება ევროპაში" (2011) და "ბიურგერული ძაღლის თვითკრიტიკა" (2017). შვედეთში ცხოვრების პერიოდში ზურა რთველიაშვილი თანამშრომლობდა სტოკჰოლმის ავანგარდულ თეატრთან "GILJOTIN", სადაც დაიდგა მისი ექსპერიმენტული სპექტაკლი "PASS PORT". პერფორმერი, მულტიმედია არტისტი, სამოქალაქო აქტივისტი.

წყარო: levurelitteraire.com; წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.266

• 2018 - ლიტერატურული პრემია "საბა", წლის საუკეთესო პოეტური კრებულისთვის
  პოეზიის დიქტატურა : კრებული / ზურაბ რთველიაშვილი.-თბილისი : ინტელექტი, 2017.- 140გვ.

• პოეზიის დიქტატურა : კრებული (ავტორი). - თბილისი, ინტელექტი, 2017. - 140გვ.. - ISBN: 9789941470660
• ანარქია : პოეზია (ავტორი). - თბილისი, სიესტა, 2006. - 90გვ.
• აპოკრიფი : ლექსები (ავტორი). - თბილისი, კავკასიური სახლი, 2002. - 32გვ.
• ირექცია : ლექსები (ავტორი). - თბილისი, რუბიკონი, 1997. - 49გვ.