ანდრო რურუა

დაამთავრა თბილისის სახელმწიფო უნივერსიტეტის ფიზიკის ფაკულტეტი.

უნივერსიტეტის დამთავრების შემდეგ, რუსთავის მეტალურგიულ ქარხანაში დაიწყო მუშაობა; 1961 წლიდან სამუშაოდ გადავიდა რუსთავის "ავტომატმრეწვის" ინსტიტუტში, სადაც მისი ხელმძღვანელობით ჩამოყალიბდა საქართველოში პირველი ელექტრონული გამოთვლითი მანქანების ცენტრი; პარალელურად ამ დარგში კათედრის მომზადებაზე იზრუნა და რუსთავის ტექნიკურ სასწავლებელში ზრდიდა მომავალ დარგის სპეციალისტებს; შემდგომ თბილისის ტექნიკურ უნიერსიტეტში განაგრძო ლექციების კითხვა. მოსკოვში დაიცვა დისერტაცია სამეცნიერო ხარისხის მოსაპოვებლად, იმავდროულად მონაწილეობდა დიდ საკავშირო და საერთაშორისო სიმპოზიუმებში და ფართო სამეცნიერო საზოგადოების წინაშე გამოდიოდა ლექციებით; ინსტიტუტ "ავტომატმრეწვში" მუშაობისას ხელმძღვანელობდა მილსაგლინავ "აგრეგატ 400"-ის უნივერსალური მართვის ავტომატიზებული სისტემის შექმნას, რაც პირველი იყო საბჭოთა კავშირში და შემდგომ დაინერგა სხვა მონათესავე საწარმოებში და საზღვარგარეთ; მან უდიდესი წვლილი შეიტანა რუსთავის ტექნიკურ-საინჟინრო-სამეცნიერო ინტელიგენციის აღზრდისა და ჩამოყალიბების საქმეში; წლების განმავლობაში ხელმძღვანელობდა ინსტიტუტ "ავტომატმრეწვს"; მისი ხელმძღვანელობით შემუშავდა მრავალი ტექნიკური სიახლე ენერგეტიკის დარგში; ავტორია ათობით სამეცნიერო მონოგრაფიის და გამოგონების; იყო საერთაშორისო კონფერენცია "საიდენტიფიკაციო სისტემების მართვის ამოცნობის" საპროგრამო კომისიის წევრი და სამეცნეირო ჟურნალ "ინტელექტის" რედკოლეგიის წევრი; აქტიურად მონაწილეობდა საზოგადოებრივ ცხოვრებაში, "რუსთაველის" საზოგადოებასა და დემოგრაფიის პრობლემებზეც ზრუნავდა.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.122-123

• საქართველოს ბიზნესის მეცნიერებათა აკადემია, წევრი
• საქართველოს საინჟინრო აკადემია, წევრ-კორესპონდენტი

• სსრკ სახელმწიფო პრემია

• საფრენი აპარატების ელექტრორადიო მოწყობილობის მონტაჟი და გამოცდა : დამხმ. სახელმძღვ. (ავტორი). - თბილისი, შპს "თობალისი", 2007. - 150გვ.. - ISBN: 9789994093946
• ტელემექანიკა: ელემენტები, კვანძები, მოწყობილობები : დამხმ. სახელმძღვ. (თანაავტორი). - თბილისი, მეცნიერება, 1998. - 344გვ.
• ინფორმაციის გამოყენებითი თეორია : სახელმძღვ. ტექნ. უნ-ტის სტუდ. (თანაავტორი). - თბილისი, განათლება, 1991. - 272გვ.. - ISBN: 5505009077
• ელექტრორადიოტექნიკური მოწყობილობის დაპროექტების საფუძვლები : სახელმძღვ. ელექტრორადიოტექნიკური სპეც. ტექნიკ. მოსწავლეთათვის (ავტორი). - თბილისი, განათლება, 1977. - 231გვ.
• თვითმფრინავების ელექტრომოწყობილობის დაპროექტება, მონტაჟი და გამოცდა : სახელმძღვ. ტექნიკუმების, თვითმფრინავების ელექტრორადიომოწყობილობის სპეციალობის მოსწავლეთათვის (ავტორი). - თბილისი, განათლება, 1973. - 337გვ.
• თვითმფრინავების რადიომოწყობილობა : სახელმძღვ. მანქანათმშენებლობის ტექნიკუმის თვითმფრინავების რადიოელექტრო-მოწყობილობის სპეციალობის მოსწავლეთათვის (ავტორი). - თბილისი, განათლება, 1971. - 326გვ.