ილია რურუა

დაბადების ადგილი: სოფელი ორქა, მარტვილის რაიონი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტი 1943 წელს.

სხვადასხვა დროს მუშაობდა: გაზეთ "საბჭოთა აჭარისა" და საქართველოს მწერალთა კავშირის აჭარის განყოფილების პასუხისმგებელ მდივნად, აჭარის კულტურის მინისტრის მოადგილედ, საქართველოს ტელევიზიის საზოგადოებრივ-პოლიტიკური მაუწყებლობის რედაქციის მთავარ რედაქტორად, საქართველოს წიგნის პალატის დირექტორად, საქართველოს ტელეფილმების სტუდიის მთავარ რედაქტორად და დირექტორად, საქართველოს მინისტრთა საბჭოსთან არსებული რელიგიის საქმეთა საბჭოს რწმუნებულის მოადგილედ; 1944 წელს გაზეთ "საბჭოთა აჭარაში" გამოქვეყნდა მისი პირველი მოთხრობა "ერთ წყნარ საღამოს"; იგი ავტორია პროზაული კრებულებისა: "როცა ცხოვრებას შეიტყობ", "პირველი ხილვა", "წმინდა ალაგი", "მზის ყურე", "მწვანე კორდი", "ფიორდების ტყვე", "ზარდახშაში მთვლემარე ლომი"; მისი მოთხრობები სხვადასხვა ლიტერატურულ კონკურსზე აღინიშნა პრემიებით; მრავალი მათგანი თარგმნილია უცხო ენებზე; ილია რურუას კინოსცენარების მიხედვით გადაღებულია სრულმეტრაჟიანი მხატვრულ-დოკუმენტური ფილმები: "რუსთაველის ნაკვალევზე", "პალესტინის სიძველეთა საიდუმლოებანი", "მოლანდება", "ვინც ქარს სთესავს"; იგი არჩეული იყო თბილისისა და ბათუმის საქალაქო საბჭოების დეპუტატად. იყო პუბლიცისტიკის სექციის ბიუროს თავმჯდომარე.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.180

• საქართველოს მწერალთა კავშირის გამგეობა, წევრი

• დიდი რეგატა : მოგზაურობა დედამიწის გარშემო (ავტორი). - თბილისი , საბჭოთა საქართველო, 1990. - 396 გვ.
• ზარდახშაში მთვლემარე ლომი : მოთხრობები, მინიატურები (ავტორი). - თბილისი, მერანი, 1988. - 310გვ.
• ვითარცა სკაში თაფლი : ნარკვევები აჭარელ სოფლის მშრომელებზე (ავტორი). - ბათუმი, საბჭ. აჭარა, 1982. - 163გვ.
• თუბალთხევის საიდუმლოება : თაკოს ხარები (ავტორი). - თბილისი, საქ. კპ ცკ-ის გამ-ბა, 1982. - 36გვ.
• ზღვის წიგნი : მოგზაურის შთაბეჭდილებანი (ავტორი). - თბილისი, საბჭ. საქართველო, 1981. - 256გვ.
• მზის ყურე : მოთხრობები (ავტორი). - თბილისი, საბჭ. საქართველო , 1977. - 319გვ.
• მწვანე კორდი : მოთხრობები (ავტორი). - თბილისი, მერანი, 1969. - 175გვ.