კოტე სანაია

დაბადების ადგილი: ქ. სენაკი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1946 წელს.

1946-1949წწ. იყო თსუ-ს ფილოსოფიისა და ლოგიკის კათედრის ასპირანტი (ხელმძღვ. კოტე ბაქრაძე); შემდგომ მუშობა განარგძო უნივერსიტეტში დიალექტიკური და ისტორიული მატერიალიზმის კათედრის ასისტენტად; 1952-1959წწ. ნ. ბარათაშვილის სახელობის გორის პედინსტიტუტში, მარქსიზმ-ლენინიზმის კათედრაზე ჯერ უფროს მასწავლებლად, შემდეგ - დოცენტად; 1959 წლის აპრილიდან კი საქართველოს სსრ მეცნიერებათა აკადემიის ფილოსოფიის ინსტიტუტში ჯერ უფროს მეცნიერ თანამშრომლად, 1966 წლიდან სიცოცხლის ბოლომდე კი - ლოგიკის განყოფილების ხელმძღვანელად; მუშაობდა კლასიკური ლოგიკისა და მეცნიერების მეთოდოლოგიის პრობლემებზე; მის ნაშრომებში გამოკვლეულია ფორმალური ლოგიკისა და მეცნიერული შემეცნების საფუძვლები; იგი აყალიბებს ცნების ორიგინალურ განსაზღვრებას, რომელსაც შემეცნების თეორიასთან აკავშირებს, იკვლევს დედუქციური დასკვნის ბუნებას თანამედროვე მოძღვრებების შუქზე; მან საქართველოში ერთ-ერთმა პირველმა დაიწყო სისტემური კვლევის მეთოდის ფილოსოფიური ასპექტების შესწავლა, ასევე მეცნიერული შემეცნების ლოგიკის აქტუალური პრობლემების კვლევა; მისი მეცნიერული გამოკვლევები ხასიათდება განსაკუთრებული სიზუსტითა და კონკრეტულობით; იყო 70-მდე სამეცნიერო შრომისა და წიგნის ავტორი. ფილოსოფიურ მეცნიერებათა კანდიდატი (1952), ფილოსოფიის მეცნიერებათა დოქტორი (1972).

სადოქტორო დისერტაციის თემა - "ცნება როგორც ასახვის ფორმა", დაიცვა 1972 წელს.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.149; XX საუკუნის ქართული ფილოსოფიის ანთოლოგია. ტ. 2. ნაკვ. 2 / შემდგ. ე. კოდუა.-თბ.,2002.-გვ.301

• რა არის სისტემური კვლევა (ავტორი). - თბილისი, მეცნიერება, 1981. - 54გვ.
• რა არის მეცნიერული შემეცნების ლოგიკა (ავტორი). - თბილისი, მეცნიერება, 1979. - 58გვ.
• ცნების თანამედროვე თეორიები (ავტორი). - თბილისი, მეცნიერება, 1970. - 168გვ.