ზურაბ სეხნიაშვილი

დაბადების ადგილი: ქ. თელავი.

დაამთავრა საქართველოს სახელმწიფო პოლიტექნიკური ინსტიტუტის არქიტექტურის ფაკულტეტი 1968 წელს.

1965-1989წწ. მუშაობდა ძეგლთა დაცვისა და რესტავრაციის სახელოსნოში. ამ დროის განმავლობაში, ნამუშევარი აქვს 60 ძეგლზე, მათ შორის სვეტიცხოველზე, ქსნის ციხეზე, დადიანების სასახლეზე ზუგდიდში, დრანდის ტაძარზე, შატილის კომპლექსზე, სამშვილდის ნაქალაქარზე, წმნინდა შიოს მონასტერზე რუისპირში, ყვარლის ეკლესიაზე, დავითგარეჯის მონასტერზე, ბერთუბანზე, უდაბნოზე, თელავის ერეკლე II-ის სასახლეზე და სხვა. გამოფენები: 1975-1991წწ.  "საგაზაფხულო" და "საშემოდგომო" გამოფენები მხატვრის სახლში; "საგნობრივი ხელოვნების გამოფენა" (1986); "პოპ არტი" (1988); გამოფენა "ქართველი მხატვრები" (შვეიცარია,1990); გამოფენა "ქართველი მხატვრები" (გერმანია, 1994 ); "ცისფერი გალერეა" (საშობაო გამოფენა, 1996-1998); "ბაია გალერეა" (ნონკონფორმიზმის კლასიკოსები, 2004); "ვერნისაჟი", სამოცდაათიანი წლების ქართველ ავანგარდისტთა ჯგუფური გამოფენა "რეპრესირებული ხელოვნება 17 წლის შემდეგ" (2005); საგამოფენო დარბაზი "უნივერსი" - გამოფენა "მოხატული თეფშები" (2005);  "ქარვასლა", "მაისის თბილისი" (2009); "ვერნისაჟი", "ტროტუარების მემუარები" (2010). პერსონალური გამოფენები: 2000 წლის 18 ივნისი - "ვერნისაჟი", "მე ვხედავ სიზმრებს არათქვენებურს"; 2000 წლის ნოემბერი - გამოფენა გაეროს სახლში; 2015 წლის 23 ივნისი - "შარდენი". სეხნიაშვილის ნახატები დაცულია კერძო კოლექციებში. აღგდენილი აქვს 60-ზე მეტი ისტორიული ძეგლი, მათ შორის მუშაობდა სვეტიცხოველზე, დავით გარეჯაზე. მონაწილეობა აქვს მიღებული მრავალ გამოფენაში. 2021 წელს კულტურის სამინისტროს მიერ შეძენილ იქნა მისი ნამუშევარი. მხატვარი-რეტავრატორი. 

წყარო: ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 22-25; ახალი და უახლესი ქართული ვიზუალური ხელოვნების პორტალი: art.gov.ge; ghn.ge